香港
台灣
北美

【車長起義】乘客塞車遷怒 車長︰日日帶住阿爸阿媽返工

即時突發 
2017-02-19 21:40:44 HKT

968路線巴士未埋正站上落客被警員抄牌,事件在網上引起熱議,車長發起按章工作,呼籲「埋正站先上落客」。預計明日周一上下班繁忙時間各區交通勢塞爆。

駕駛968路線18年的車長陳先生表示,多數巴士站的設計有問題,一個站有多條巴士路線,往往需要排隊埋站,但有乘客不滿等候時間太耐而「詐型」。陳無奈稱,車長都有壓力,「做依行咩壓力都有,公司、人客同路面情況」,遇過有乘客不滿而遷怒車長,他笑稱「揸巴士日日都帶住阿爸阿媽返工」,慨嘆「做得好冇人讚」,若上班期間被警員抄牌,更要自行交罰款。

陳續稱,上下班的繁忙時間「巴士埋唔到(站)就埋唔到」,他向記者透露,試過巴士於快線塞車,有女乘因等太耐而向他大喝「司機你睇風景呀,仲唔開門」,他亦感無奈,惟有將巴士切入中線打斜落客。車長陳先生稱,有部份站頭已張貼通告,呼籲各車長在每一個站都要埋正才可落客,陳表示會「揸正嚟做」,但明白一定會影響車程,「(乘客)等耐啲囉,冇辦法㗎!」

事件起因是早前被指親建制但報稱獨立的灣仔區議員投訴,銅鑼灣崇光百貨一帶交通問題,有巴士車長沒有埋正站上落客,其後有車長在中環因同類事宜被抄牌,抄牌片段在網上廣傳。

你敢爆,我敢獎! 即Call《蘋果》24小時爆相爆片熱線63836568


車長陳先生遇過有乘客不滿而遷怒,他笑稱「揸巴士日日都帶住阿爸阿媽返工」。(溫瑞麟攝)

相關新聞