香港
台灣
北美

熊出沒!填詞人廚師髮型師愈熊愈可愛

Ketchuper 

何謂「熊系男」?除了熊一般身形,大概是予人溫暖敦厚的感覺,去片即看三位男士剖白,看他們有幾「熊」!


陳詠謙
填詞人兼歌手
填詞作品包括《高山低谷》、《矛盾一生》、《告白》
IG@chanwinghim

29歲的陳詠謙,打破林夕、師傅黃偉文的「壟斷」,'13和'14連續兩年獲叱咤填詞人大獎,'15以歌手身份出道,今年出新歌《脂肪葡萄》,一手包辦曲詞,講肥仔一樣有吸引力。

陳詠謙認為熊系男多數有幽默感,追女仔或有著數,但不會把肥仔和專一畫上等號:「係咪靚仔就花心、肥仔就專一啲?我唔覺,肥仔都可以花心咖...」說到自己最煞食的歌詞,就是《脂肪葡萄》:「歌詞將人人眼中嘅缺點變成優點,女仔都鐘意有自信嘅男仔,其中一句『我叻仔我可以肥』都要有自信先夠膽寫。」

「叻仔就可以肥」?那陳詠謙覺得現在的自己夠本錢肥嗎?「細個就開始肥,係咪代表好細個就有本錢呢?哈哈...其實寫呢句歌詞嘅因由,做GYM被教練逼得太緊之下,講嘅晦氣說話,覺得我係叻仔我使乜減啫!」

陳詠謙在《脂肪葡萄》MV邊跳邊唱,熊系男在螢幕只能走搞笑路線嗎?自己曾經翻唱為吳雨霏寫詞的情歌《告白》,但發現搞鬼形象迴響更大:「我心入面認真、感性嘅部分,用支筆寫俾靚仔靚女,交俾周柏豪、連詩雅唱,我自己就唱啲特別故事啦。」由執筆到開始握咪,腦海出現很多聲音嚇唬自己:「就好似當初寫詞,有人話我啲歌詞垃圾,亦有人話改變咗佢生命,負面嘅聲音好似鬼咁,見得多就冇咁驚,曱甴都係!」

Christian Yang
廚師兼演員
上年為麥當勞設計漢堡飽
IG@chefchristianyang

有留意ViuTV播放中的劇集《三一如三》的話,都對Christian Yang不陌生,無論劇內劇外,都是一位廚師。曾經到毛里裘斯、法國、瑞士等學廚,'06回流返港。

從來沒有瘦過、玩開欖球的Christian,因為一次肩膊開刀手術而停止運動三個月,笑言其間增加的四十磅至今仍留在體內。熊系身形買衫難,而赤柱其中一間小店就是Christian光顧九年來「爆買」的地方,每次都買一疊褲,一來褲子夠鮮色,二來店裡有改窄腳服務,方便roll起散熱,又不會變成農夫造型。

熊系廚師特別有說服力?Christian不同意:「有人話瘦廚師唔信得過,肥定瘦廚師,都係廚師,廚師最緊要知道唔好食嘅嘢唔好煮俾人食!」Christian最拿手是「溝食材」,創出新味道,平日會自製簡易三文治,方包上塗上果粒花生醬、果醬和芝士,口感豐富極邪惡。身為廚師的Christian育有一仔一女,家人最愛他什麼菜式呢?「雖然大家以為我煮西餐,但我中菜都識,老婆最鐘意我嘅碗仔翅,我嗰女就鐘意我煮嘅steak,其他人整嘅steak就食!阿仔就咩BB食物都食。好在仔女性格係食飽就識停,所以唔使控制佢地食量。」

Stone
星級髮型師
ViuTV《活匠當下》嘉賓
IG@salonstone

Stone現於中環髮型屋工作,港隊美人魚歐鎧淳都是某朋友熟客,最近在ViuTV節目現身舊式理型屋學師。

談到追女仔,Stone笑說「肥仔追女仔唔使智慧,肚腩勝於一切」,女生吃飯時都會邀請他作伴,或幫忙買食物,而女生家人亦很歡迎「食物梵化爐」作客,總能把枱上餸菜食清光。而熊系男有安全感,「肚腩」反而能拉近與女生的距離。

除了窄身款,自稱啤梨身形的Stone亦會穿不同類型衣物,經歷過XS到XXL的尺寸,在泰國最難買到心水服,因為剪裁特別窄,「窄到跳豔舞咁」!

熊系男難追女生?Stone反覺得不少熊身形男生都有漂亮女朋友。Stone和任職經理人的老婆Cheryl結婚兩年多,平日愛一起行山,最近更請教練學打羽毛球。問到Cheryl會否因為Stone常接觸女客人,而約法三章要求有「安全距離」,她說二人相處講求信任,不少客人其實是他倆的好朋友。對熊系老公最大的投訴,就是巨大鼻鼾聲,要捂住他的鼻才能滅聲入睡。如果將來生BB,Stone不介意是肥嘟嘟的熊系BB,Cheryl就笑言:「生女似佢就唔好啦」!


【Ketchuper名人×潮店買物平台一齊下載】
Android及iPhone版下載網址: http://bit.ly/ketchuperdl
《Ketchup》官網
http://www.ketchuper.hk
《Ketchup》ig:
http://www.instagram.com/ketchupmagazinehk
《Ketchup》fb:
https://www.facebook.com/ketchupmagazinehk


相關新聞

更多 Ketchuper 文章