› 選擇地區
三藩市
紐約
洛杉磯
其他美國地區

31 BEAUTY GADGETS足本攻略【光學脫毛機】

周刊FaceUP 

現時家用脫毛機已由拔毛機發展至近年愈出愈多的彩光及 LED熱能呢類光學,與脫毛中心的激光同為光學技術,不過價錢及方便度上卻有很大分別,而大部分光學脫毛機均官方說明毛髮慢慢變稀疏,繼而停止生長新毛髮,並冇即時脫毛效果,大家入手前可先考慮上述最基本條件再細睇以下的試用感。

安全技術足

Philips Lumea IPL彩光脫毛器 SC2006$4,698

【賣點】
•燈頭設有安全環以避免未接觸好皮膚時意外閃燈,當完全接觸皮膚後機背的「閃光準備就緒」指示燈會發光提示。
•與皮膚科專家共同研發
•充電式無線操作,燈頭壽命為每個超過 140,000次閃光,替換燈頭於品牌客戶服務中心有售,價錢為$600(身體),$800(面部)。
•備 5段光能選擇及內建濾光片以阻隔紫外線進入皮膚的細燈頭,處理上唇、下巴及的水。
•官方說明指出此機不適用於自然黝黑膚色人士,以及對紅、淺黃或灰色毛髮,因膚色深者吸光力強,較易引起皮膚敏感,附送的說明書有詳盡指示。

原理:彩光技術
建議使用次數:建議每 2週用一次
配件:充電器及防塵袋
試用感:光的閃度係今次 6牌最收斂,對眼望實都唔會唔舒服,而且零焦味,說明書亦最詳盡,其濾光燈頭及安全環設計,安全度較高。
易用度★★★★★安全環設計有助解決用時發唔到光的問題




燈頭耐用

Silk'n Flash& Go! Luxx! 300K宅光脫毛機$1,288


【賣點】
•閃光燈頭壽命達 300,000次
•不過其 HPL!宅光脫毛技術聲稱以選擇性光熱分解的原理,當光波照射於皮膚上,毛幹的色素會選擇性吸收大部分的光波,而周遭組織不會受熱。
•插電式操作
•獲美國 FDA認證
•現購此機免費送$1,288替換燈頭 1個

原理:彩光
建議使用次數:首 3至 4次療程應每隔 2星期進行一次,之後再 2-3個月使用一次。
配件:充電器兩腳插頭 2個及 3腳插頭 1個
試用感:同樣試於下手臂,皮膚熱力感受為中等但可接受, 3段光強度選擇,冇焦味。
易用度:★★★★開機後散熱風扇的聲響最大



脫得最快【 Ketchup choice】

Panasonic無線彩光脫毛器 ES-WH80$2,680


【賣點】
•機身以人體工學設計易揸手
•充電式無線操作,機上燈頭的閃光壽命為 20,000次,附送替換燈頭同為 20,000次,燈頭單買價錢售價待定。
•每次彩光 3秒回復,能連續放射 10次,加快使用時。
•備 5段光強度選擇

原理:彩光技術
建議使用次數:建議小腿/手臂首 2個月每 2星期用一次,之後減至每 4星期 1次。腋下垂比堅尼線首 2個月每星期用一次,之後減至每 2星期 1次。
配件:附替換燈頭#WES2W13H、 2腳圓插頭充電器
試用感:燈頭約 3.2cm長好啱多毛人士,其網面設計亦有助減低灼傷皮膚的機會。用時零痛感,但有約 30秒微焦味,用時閃光較強,望住燈頭易有短暫眼花瞭亂感,唯一缺點係是次 6件產品比較下最重手。
易用度:★★★★閃光回復好快且燈頭面積大,脫下手臂 1分鐘搞掂!



有即時效果、配件最多

no! no! PRO5冬日雪豹特別版熱力脫毛器$2,988


【賣點】
•最新型號,熱力能量比舊代高 35%,又將強度選擇由 3增至 5段,聲稱能更針對不同位置及粗度的毛髮。
•機身 size係是次 6牌最細;小配件亦最多,包括潔膚墊、小毛掃清理脫後髮碎、 2cm細刀頭及經臨床研究證實能減細紋、皺紋的紅光 LED美容燈頭。
•機身 pattern及顏色選擇最多,常推限定版如今季銀白雪豹、上季桃紅罌粟花。

原理: LED藍光—專利 Thermicon!熱力無痛除毛技術
建議使用次數:首 4-6週每週 2-3次,之後可逐漸減至每週 1次。
配件:另含紅光 LED美容燈頭、潔膚墊、小毛掃、細刀頭、黑色蛇皮套及充電器
試用感:用時冇痛感,皮膚暖暖哋,可即時脫去手臂毛髮 8成!惟用後有陣焦味持續約 2分鐘。
易用度:★★★★脫至骨位時,白色滾輪有點難緊貼皮膚。




價錢最低

iluminage Beauty Precise Touch$2,200


【賣點】
•專利 elō s光學互動技術,即結合 IPL彩光及 RF雙極射頻,獲美國 FDA認可,並經臨床證實安全有效,適用於所有皮膚類型及膚色。
•品牌來自美國,專售美容儀器,'14推出的眼唇減紋機係全球首部美國 FDA認證產品。
•插電式操作
• 3段光強度選擇

建議使用次數:首 3至 4次療程應每隔 2星期進行一次,之後再 2-3個月使用一次。
配件:附充電器、底坐
試用感:焦味好輕微且短暫,而且同樣試於下手臂,皮膚熱力感受為中等但可接受,弊在燈頭不能替換。
易用度:★★★★★成部機雖直徑約 9cm,但機身有流線型手位,用時好就手。



iluminage
銅鑼灣希慎廣場 108鋪 Joyce Beauty( 2762 0130)
no!no!
旺角朗豪坊 Beauty Avenue 2樓( 2528 1966)
Panasonic
陳列室、人氣 电器店及各大零售商有售( 2833 0955)
Philips
各大百貨公司及電器店有售( 2619 9663)
Silk'n
旺角旺角新城 7樓 fitboxx元氣館( 8104 5000)

6 Users Sharing 光學脫毛機達人 Share

Q1.甚麼原因令你開始使用光學脫毛機?
Q2.直到現在用了幾多年,用過甚麼牌子及類型?
Q3.為甚麼堅持使用光學脫毛機?
Q4.第一次用脫毛機時發生過甚麼瘀事/趣事?
Q5.對想入手脫毛機的新手分享的一句心得。

Jiu Leung(化妝師)

細個會用剃刀及脫毛膏、臘, 6年前亦用成萬蚊幫襯美容院做永久光學脫毛,但 4年幾後開始生返啲幼毛,見近年市面有家用光學脫毛機,價錢非常合理,冇慮即買,自行脫敏感位都唔怕尷尬。
以前用過 Philips但有啲痛,早排 10月試用朋友部日牌 CosBeauty脫毛機覺得效果好好,又係同系、同級數的種類中最抵,所以入手一部。目前脫過一次全身,約一個月才長出新毛。
因為用剃刀會愈生愈粗、用脫毛膏又敏感,其他方法又痛,反而光學脫毛機冇痛又有效果,仲唔會整粗啲毛孔,反而有收毛孔功能。
幾年前家姐結婚要著露背衫,兩姊妹好溫馨咁互相用蜜臘脫背脊毛,一齊數 123扯出來痛到尖叫,繼而笑到收唔到聲。
建議大家入手前先了解下部機的燈頭可否更換,以免燒咗要成部機換,亦可買多個燈頭,可以同朋友或屋企人 share用一部機。

CosBeauty IPL光學美容器約港幣$1,800(購自日本)


Angel Wong(化妝師)

拔毛機將毛髮連根拔起會令毛髮倒生,搞到要用眉夾挑出毛囊整損皮膚;用夾逐條抆又嫌晒時間,所以轉用光學類。
約 10年,用過 Panasonic、 Braun同𠵱家 keep住用的 no! no!,主要脫唇毛及手背。
唇毛生得快,呢類光學脫毛機只需花 2-3分鐘就脫到,用後又唔會紅腫,可即時上一個貼面的妝。
拔毛痛到標眼水,個種痛楚到𠵱家都印象深刻!
先諗清楚你想脫的位置,然後根據該位置的毛量而選擇燈頭及機身 size。

no! no! PRO5冬日雪豹特別版熱力脫毛器$2,988


Elly Wong(化妝師)

我的面毛較多,以前一直用開剃刀,後來為了減少更多毛量轉而用光學脫毛機。
由'13使用 no! no!至今,鍾意佢能夠一次脫到好多毛且 size細,最啱愛曬太陽的我,就算拎去泰國旅行用都夠慳位,現在更發展到有紅光燈頭美肌。
光學脫毛機的脫毛時間好快,而且市面的價錢亦好合理。
第一次用時因為沒有逆毛脫,搞到以為冇效果,加上見到毛髮有點燶兼聞到燶味,好驚!其實只係熱力原理下的正常反應。
首先要諗諗自己的膚質是否易過敏,如想選購 no! no!呢類以熱力原理的機種,亦要試清楚你是否接受到用時皮膚的少許熱感及之後的燶味。

no! no! PRO5冬日雪豹特別版熱力脫毛器$2,988


Karena Tsang( Christian Dior Senior PR& Communication Executive)

沖涼後隨時用得,快捷方便!
10年前朋友送了一部 Panasonic後用到𠵱家
本身不是太多體毛,而呢類家用光學脫毛機可以按自己需要局部脫。
拔毛很痛,又搞到毛髮倒生,但脫後即時睇到皮膚白皙不少好開心!
建議先考慮你的毛髮數量,再去因應價錢去衡量脫毛方法。

Panasonic無線彩光脫毛器 ES-WH80$2,680


Deborah Poon( Artiste and Financial Planner)

用法唔複雜,叉電就用得,而且配件一般只有 1件。
用過 Rio,直至 1-2年前經朋友介紹 Silk'n後用到𠵱家。
不用打電話去脫毛中心 book時間,隨時隨地都用得好方便。
第一次用光學脫毛機係朋友幫我打,大家戴住副黑超好搞笑。
如你想玩又怕危險性,不妨 keep住使用中等強度。

Silk'n SensEpil ProTM HPLTM宅光脫毛機$3,388


Valerie Tang(全職家庭主婦)

曾光顧過脫毛中心,簽約時跟單職員答應晒我所有要求,但後來轉了人跟進又推翻合約上的承諾,搞到嬲得滯唔再去,所以買了第一部光學脫毛機解決餘下一撻撻的毛髮。
買過 4部,試過用後才發現該機不能永久脫毛,有些可永久但脫時好痛,直至遇到 Iluminage,可永久又唔痛,仲好用到買了兩代,送埋畀屋企人。
覺得手背呢類面積較細的位置,相比花幾千蚊 join脫毛中心,買部光學脫毛機較划算。
有次買新機後,第一時間幫工人姐姐隻手脫毛,點知痛到佢成個人彈起!
其實現時市面大部分的光學脫毛機都安全又 user-friendly,亦唔使太擔心燈頭的壽命,因一般足夠用幾年。

iluminage Touch$4,480


iluminage
銅鑼灣希慎廣場 108鋪 Joyce Beauty( 2762 0130)
no!no!
旺角朗豪坊 Beauty Avenue 2樓( 2528 1966)
Panasonic陳列室、人氣 电器店及各大零售商有售( 2833 0955)
Silk'n
旺角旺角新城 7樓 fitboxx元氣館( 8104 5000)

Step by Step

【上唇】【面頰】
先清潔皮膚,如有過長毛髮,要先用剃刀刮除,以免燒焦毛髮。而無論任何位置注意應將機身與皮膚呈 90°垂直,並逆毛推進皮膚,較薄弱的上唇及面頰,要用最弱的閃光強度。



【手臂】
手臂建議用中等閃光強度。


【腋下】
腋下與腿同樣用最高閃光強度。


【腿】


光學脫毛機 Dr.Q&A

1.光學脫毛機的原理是?
以不同波長的光速投射在皮膚上,被毛髮內的黑色素吸收,破壞毛囊生長,減少毛髮生長,從而達至脫毛效果。

2.現時市面光學脫毛機的 LED藍光熱力技術與彩光技術有甚麼區別?
熱力脫毛機透過熱力傳至毛囊,減慢毛髮生長速度;而光學脫毛機則利用光能達至脫毛效果。
兩者最大的分別是熱力可令幼細毛髮,如臉毛或唇毛脫落,而光學則可能未必能令淺色及粗小毛髮脫落,但維持效果較熱力長!兩者的缺點都是風險較大,使用熱力脫毛機有機會灼傷皮膚,而光學脫毛器則較難控制波光,若太長會燒傷皮膚,太短則未能見效。

3.彩光的閃光燈頭壽命是否有限?
視乎生產商的設計,一般燈頭均可替換。

4.一般使用光學脫毛機幾時見效?
很難估計見效時間,要視乎使用皮膚顏色,毛髮長短和粗幼度及當時皮膚狀況。而每個毛囊都有其個別的生長週期,經歷生長期、衰退期及休止期三個階段的迴圈。一次脫毛只能除去部分毛髮,當毛囊進入另一個生長週期,又會長出新的毛髮,所以未必能永久脫毛。

5.哪些人士不適合使用光學脫毛機?
皮膚敏感者,曬後皮膚,有紋身及疤痕者和孕婦均不適宜,尤其孕婦和曬後皮膚,因為皮膚黑色素活躍,容易灼傷。

林嘉雯醫生
畢業於中文大學內外全科,擁有超過 10年的臨床皮膚科經驗及美容整形技術, 2011年起擔任中文大學醫學院榮譽助理教授至今,曾為香港皮膚及性病學雜誌助理編輯,現時亦有為本地報章撰寫專欄,分享皮膚保健及醫學美容資訊。


撰文:美容組
攝影:謝耀恆、葉曉明、崔百祥
模特兒: Carman Kwok
*所有測試因人而異

更多 Ketchuper 文章