香港
台灣
北美

31 BEAUTY GADGETS足本攻略【洗面機】

周刊FaceUP 

市面的家用美容機愈出愈多,功能愈見多元化,價格亦比初上市為便宜,變得更易入手。但機款多咗,有得揀唔通唔揀咩,想入手的你勢必心大心細。有見及此,今期美容組一次過晒冷 31部家用美容機新品,共分深層清潔的潔面機、保濕嫩膚的導出導入機、緊緻塑面的 V面機,以及價錢相對脫毛機抵玩的光學脫毛機,全部同你試晒佢哋,仲搵來醫生解答迷思兼有達人級用家分享心得等你作好充分的入手前準備。適逢年尾,咪當畀個藉口送自己一份變靚啲嘅聖誕禮物囉!

測試方法
潔淨度:將粉底液、防水睫毛液、眼影塗於凹凸不平的橙上,然後以潔面產品配合潔面機洗 30秒,測試其潔淨毛孔力度,以 5粒*為最佳。

智能記憶刷頭

Clarisonic Smart Profile$1,900


賣點:機身及刷頭備有記憶晶片,可紀錄潔膚程序和次數,以及設有更換刷頭提示。同時加入 TURBO按鍵,可作深層清潔。
原理:聲波震動
配件: USB插頭及電插座、智能潔淨刷頭及智能身體刷頭各一個、 30ml潔面膏 30ml、潔體乳霜 60ml、兩年產品保養
試用感:附設的刷頭算柔軟,新增 4種速度可選,而 TURBO模式來清潔面頰有點刺激,宜用作潔淨身體。
潔淨度:★★★★留有少許粉底液





多選刷頭

ULTRACEUTICALS極緻無垢潔面儀 II$395


賣點:除有深層及敏感刷頭外,另有海綿及膠粒按摩頭。
原理:震動
配件:底座、深層及敏感刷頭,海綿頭、按摩頭
試用感:只有一種震度可選,刷毛軟硬適中,特別係膠粒按摩頭,可用按摩面部作紓壓。
潔淨度:★★★留有黑點



最細機身

Pure Forever+深層潔面美顏儀$398


賣點:加拿大牌,具雙頻變速功能,每分鐘刷頭最高可轉動 450次,每次潔膚過程只需一分鐘。
原理:其尖毛刷頭聲稱由 30000餘根比毛孔更細的輕柔尖頭刷毛製成,能深入潔淨每個毛孔。
配件:尖毛和平毛兩個刷頭和 2A電池兩粒
試用感:乾電式,有兩種速度選擇,刷毛軟硬適中,惟機身細小較難揸手,使用時聲音頗大。
潔淨度:★★★★效果理想



潔力不俗

CLINIQUE Sonic System Purifying Cleansing Brush$890


賣點:聲稱 1分鐘有 9000次聲波震動,並可自由換上同系統的緊緻輪廓塑顏按摩儀頭。
原理:聲波
配件:聲波淨透潔膚機身、充電座、基本潔膚刷頭
試用感:使用時近乎冇聲,刷毛軟硬適中,用後面上老角質層明顯清走。
潔淨度:★★★用後膚觸變滑



機身最輕

TONYMOLY音速震動潔面刷$298


賣點: 150,000條纖細軟毛刷頭, 1分鐘震動 20,000次。
原理:聲波震動
配件:底座及 1粒 2A電池
試用感:刷毛夠厚及軟熟,機身輕巧,用時唔怕手攰,但刷毛較難乾透,用後避免放於廁所內,以免滋生細菌。
潔淨度:★★需時才能洗淨



潔力欠佳

chosungah22 Lemon Energy Cleanser Kit$450


賣點:聲稱海棉刷頭有 4萬個透氣孔,配合每分鐘震動 12,000至 14,000次的兩種模式及其檸檬能量活肌潔面精華,可同時排毒、美白、增光澤及彈性。
原理:震動
配件: 80ml檸檬能量活肌潔面精華一支
試用感:乾電式,棉頭直徑只有 4cm長且較薄,清潔全面費時又唔舒服,特別係角位,十分硬身。
潔淨度:★只洗淨表面



送保濕精華

Neogence限量版 Hello Kitty音波淨化潔膚儀 MiLLi水嫩新肌禮盒$798


賣點:台醫美牌聯乘 Hello Kitty,刷頭每分鐘震動 12,000至 18,000次,少有潔面機附送保濕精華。
原理:聲波震動
配件:底座、通用刷頭及敏感肌刷頭各一個、限量版 Hello Kitty玻尿酸保濕原液 20ml及 2A電池 2粒。
試用感:震感強,但敏感肌刷頭較柔軟,沒有刺痛感。乾電式,入電位需用力拔出。
潔淨度:★★★★清走 9成粉底





一機三用

Philips VisaPure Advanced$1,898


賣點:設有智能潔面計時提示,每 20秒短暫停頓半秒,提示轉換清潔部位,並於完成一分鐘的潔膚程序後自動關閉。
原理:超聲波
配件:按摩刷頭、活力按摩滾輪及冰感明眸按摩頭。
試用感:刷毛較硬,用時略有刺痛感,但刷毛易乾,滋生細菌機會相對較低。
潔淨度:★★★★少許粉跡



毛質柔軟

Crabtree& Evelyn Facial Cleansing System$395


賣點:聲稱適合所有肌膚,並配備兩款刷頭,能深層潔淨毛孔、去角質及滲透水分,而且為防水設計。
原理:震動
配件:叉電底坐、叉電器、輕柔刷頭(每日用作深層潔淨)、亮膚刷頭(每星期用一至兩次去角質)
試用感:兩款刷頭的毛質均偏柔軟,就算推至眼周都零㓤感,亦好易深入到鼻翼兩側,唯一缺點係冇強度選擇。
潔淨度:★★★★★



最乾淨【 Ketchup choice】

T8按摩潔面器$999( 12月中發售)


賣點:韓牌,由三星設計,聲稱根據人體工程學及專為亞洲人設計,手感更舒適,每分鐘 6000次聲波微震及有 100轉動角度,機身並通過 IPX8級防水測試。
原理:聲波轉動
配件:頭皮按摩頭、 USB充電線、兩腳圓插頭、充電夾
試用感:粉紅色啞面格紋可防滑手,兩段強度的轉動聲均偏大,頭皮按摩頭的齒夠多,確有紓緩效果。
潔淨度:★★★★★徹底洗淨




chosungah22
銅鑼灣禮頓中心 2樓 Sa Sa Supreme專櫃( 2555 0806)
Clarisonic
銅鑼灣時代廣場連卡佛專櫃( 3180 1645)
Clinique
銅鑼灣崇光百貨專櫃( 2893 5543)
Crabtree& Evelyn
金鐘太古廣場 245鋪( 2264 4848)
Neogence
銅鑼灣百德新街 2-20號恆隆中心 G01地鋪莎莎( 2577 2286)
Philips
各大百貨公司及電器店有售
Pure Forever+
尖沙咀美麗華商場 B1地庫 B1004鋪 Nabelle Organic( 2375 7000)
T8
中環置地廣場 Harvey Nichols專櫃( 3695 3107)
TONYMOLY
觀塘 apm UC47鋪( 2790 0781)
ULTRACEUTICALS
中環 ifc 2樓 2004鋪( 2523 9135)

6 Users Sharing 洗臉機達人 Share

Q1.什麼原因令你開始使用潔面機?
Q2.使用後皮膚得到什麼改善?
Q3.點解會堅持使用?
Q4.第一次用時,有沒有出現烏龍事情?
Q5.如新手想買潔面機,有什麼意見或貼士?

Karen Julie(美容 blogger)

Q1.嫌平時卸妝唔夠乾淨。
Q2.毛孔變得乾淨,減少生粉刺,同埋膚色白咗少少。
Q3.Keep住用皮膚冇咁粗糙,感覺真係乾淨,同埋用法簡單。
沒有,按開關就用得。
Q4.要視乎個人皮膚狀況而定,一般膚質可選擇潔力較強的機款,如 Q5.果屬敏感肌就可選較溫和的洗面機或刷頭。

FOREO Luna mini$990


Anna Law( Kate Somerville Assistant Manager)

Q1.其實一直想試潔面機,感覺夏天的油脂分泌比較多,加上每日化妝及空氣污染嚴重,所以開始使用潔面機。
Q2.起初用時,皮膚較薄弱的位置會容易長粒粒,可能是本身肌膚底層已蘊釀痘痘,刺激到第 2天即時引發出來!但使用一至兩周後,肌膚適應了便沒有這個情況。
Q3.比起單用雙手潔面,感覺到使用潔面機後,肌膚較潔淨同光滑。
Q4.經常貪方便沒有分開刷頭同機身來清洗,有好幾次差點洗了電池位置,幸好沒有弄壞機身。
Q5.潔面機有唔同種類,但我建議可試聲波震動的潔面機,感覺上能深入潔淨毛孔。

Crabtree& Evelyn Facial Cleansing System$395


Eunice Ho( rsvp Communications Promotions Senior PR Executive)

Q1.朋友介紹用,加上自己心思思想試。
Q2.每星期只用 1至 2次,次數唔多但都改善到粉刺同暗粒問題。
Q3.額頭暗粒真係少咗,效果唔錯且用法簡單,濕水就用得。
Q4.唔知道每個位置應該清潔多久先啱,後來睇返說明書才搞清楚。
Q5.要揀啱適合自己膚質的刷頭,如果刷毛過硬可能會有反效果。

Clarisonic Mia 2$1,400


Kathleen Cheung(香港大學翻譯系 4年級學生)

Q1.因為開始化妝,怕卸妝唔夠乾淨,所以想加強潔淨效果。
Q2.黑頭同粉刺減少,鼻翼兩旁冇咁多死皮,同埋生少咗暗瘡。
Q3.真係改善到皮膚問題,加上操作簡單。
Q4.沒有。
Q5.如果皮膚比較薄話,建議用震動原理的潔面機,因為轉動式對薄皮膚嚟講太刺激。

Clarisonic Mia 2$1,400


Suki Chow( Online時裝店 ding_x_x店主)

Q1.身邊好多人都話好用,所以試下。
Q2.感覺毛孔更乾淨,毛孔也有稍微變細緻。
Q3.潔面對護膚太重要,如果底層唔乾淨,用幾多護膚品都係於事冇補。
Q4.第一次用時沒有烏龍事,反而第 2、 3次用時沒有充足電,結果用到一半就關機,結果用返手洗面。
Q5.市面上的美容機真係太多,雖然說產品合適如否視乎膚質,但資料收集不能少。若果有朋友是用家,他們的意見是很好的參考!

Clarisonic Mia 2$1,400


Kenny Ng( MAYBELLE New York Assistant Brand Communications Manager)

Q1.一向鍾意試美容新玩意,又咁啱朋友送咗部潔面機畀我試用。
Q2.少咗暗粒,皮膚變滑。
Q3.自己較注重面部清潔,而且用潔面機又唔會太花時間,最重要係用完真係改善到皮膚問題,所以一直都有 keep住用。
Q4.一開始唔識用會用力刷落塊面,結果過度清潔,令皮膚過乾,之後問返先知原來只要輕力印上面就已經可以。
Q5.建議大家真係需要先買,唔好因為人用我又用的心態,同埋我自己會揀返專出潔面機牌子,價錢事小,有冇效先係最緊要。

Clarisonic Plus$1,990


Clarisonic
銅鑼灣時代廣場連卡佛專櫃( 3180 1645)
Crabtree& Evelyn
金鐘太古廣場 245鋪( 2264 4848)
FOREO
http://www.yohohongkong.com/

step by step

【額頭】
先將潔面產品擠在刷頭上,然後啟動機器,待約 30秒直至出現泡沫,然後在額頭及 T字位來回打圈 20秒。


【鼻】
再於鼻翼來回打圈 20秒


【面】
兩邊面頰輕輕打圈 10秒


【下巴】
最後於下巴位置打圈 20秒,才夠全面。


洸臉機 Dr.Q&A

1.甚麼人適合用洗臉機?
大部分膚質均可,除了易泛紅的敏感性及發炎中的皮膚。

2.使用洗臉機後,可用去角質產品?
可以,因為洗面機是幫助深層清潔,與去角質是兩回事,可以先用洗面機後再用去角質產品,但要留意清潔力度、時間和皮膚狀況。

3.洗臉機有哪些注意事項?
首先要定期更換刷頭,以達最佳清潔效果,至於何時更換就視乎品牌指引。另外就是使用時面部一定要濕潤,否則好易拉扯到皮膚。

4.現時市面上洗臉機的聲波震動及旋轉原理有甚麼分別?
最簡潔的解釋是利用振動頻率去帶動水流清潔面部。而聲波震動是透過產生不同的震動頻率把毛孔的污垢震動出來,旋轉式則是利用刷頭快速摩擦皮膚,達到潔淨效果。

5.有最佳使用力度、次數及時間的最乾淨標準嗎?
每部洗臉機都不同,一般而言清洗時間是一分鐘,額頭、 T字位 20秒、鼻位 20秒、下巴 20秒,面頰各 20秒。而清洗力度和次數則視乎個人需要而定。

6.哪類潔膚產品不應配搭洗面機使用?
含果酸成分的潔膚產品,因為會容易令皮膚表層受損,導致過敏。

7.冬天適合使用洗面機嗎?
可以,但要留意其頻密度,例如夏天時因油脂分泌旺盛,所以早晚用一次,到冬天時可改為一星期用三次;使用時間長度不變。

鄭曉蔚醫生
畢業於中文大學醫學科,其後並取得曾出過 2名諾貝爾醫學及化學獎人物,位列全英國大學 21位卡的夫大學的實用皮膚科文憑,擁有 9年醫學美容經驗,於本地不同雜誌撰寫專欄,今年七月首次推出醫學美容新書《蔚美醫言》。


撰文:美容組
攝影:謝耀恆、葉曉明、崔百祥
模特兒: Carman Kwok
*所有測試因人而異

更多 Ketchuper 文章