香港
台灣
北美

3日 Detox Juice纖體真人騷

周刊FaceUP 

許懿清
註冊中醫師@柏林及草妍坊個人專方調膚中心

冷壓果汁原創者 Dr. Norman Walker於 1934年自創凍壓果汁機,其後美國營養師 Zoe Sakoutis於'00自創排毒果汁牌 Blueprint Cleanse,主張快速健康地排毒減肥。'10美國人 Macus Antebi創辦 Juice Press,主打有機蔬果汁。演變到今日咁受歡迎,其原因係冷壓果汁嘅維他命、礦物及酵素成分都比普通果汁高 3至 5倍。發展到上年,本地冷壓果汁公司除咗可隨時隨地上網 order兼有專人送貨,深受 OL歡迎,近期更開始有 hotel、 fitness center提供呢類蔬果汁。極速排毒減肥,方便結婚、或做伴娘姊妹人士。今期我哋精選 6個品牌,邀請模特兒試飲 3日療程作實戰比較,測試每個品牌的特色、利弊之處及身體變化,註冊中醫師及營養師講解點評,等大家齊齊瘦得健康!

冷壓蔬果汁真的有瘦身及排毒功效嗎?

有排毒功效,但如果只飲蔬果汁而唔食蔬菜和生果渣,就會欠缺纖維,而纖維才有效帶動大腸令大便暢通。至於瘦身功效,由於果糖少、蔬菜多,如果因飲用而食少咗嘢,卡路里和碳水化合物自然吸收少咗,就會有瘦身功效。

對於飲食唔均衡嘅人士,呢類蔬果汁內含少量纖維有機會增加排便次數。但對於平時飲食健康嘅人,則靠此類蔬果汁未必發揮排毒功效。至於瘦身效果就難以判斷,因為蔬果汁呈液體,水份自然會因去多咗廁所而排多咗。另外,呢類蔬果汁偏向低卡路里,當身體攝取熱量不足,就會燃燒肌肉嘅蛋白質作為能量,所以體重下降並非燃燒脂肪,只係水分流失及肌肉量下降。因此,如飲食一向唔健康嘅人一旦回復過住嘅飲食習慣,體重好大機會會反彈。


Cynthia To
註冊營養師@米施洛營養中心

是否適合香港女士?

Do's
中醫師:只於偶然工作忙時以此蔬果汁代餐,唔好長遠只靠佢;只於餐與餐之間飲用,於正餐多食纖維幫補;
營養師:蔬果連渣食,因纖維才有助促進腸道蠕動。

Don'ts
中醫師:切忌一早起身空肚飲,因為此飲料寒涼,所以平日要食溫嘅食材制衡,例如蒜頭、辣椒、 蒽等
營養師:切忌以此類果汁作唯一飲食來源
血糖或血壓低嘅人士不宜常飲呢類凍飲,因為身體會更怕凍;糖尿病患者、孕婦及長期病患者不宜飲用。

營養師同場加映健康瘦身餐

以下提供一個營養均衡,含豐富纖維的餐單(約 1600卡路里)給大家參考:
纖維營養餐單(約 1600卡路里)
(此餐單只作參考,減磅效果因人而異,應向專業營養師作個別諮詢。)
早餐- 1杯脫脂奶+火雞全麥包三文治+ 1個奇異果+ 1茶匙牛油
午餐- 1碗紅米飯+肉片炒西蘭花
下午茶-西梅乾 6粒/全麥餅乾 3片
晚餐- 1個焗薯+茄汁焗豆配煎魚柳+生菜蕃茄沙律

'99:街知巷聞排毒美顏寶
當年真係賣到街知巷聞,同年 12月獲評為《香港 1999年最暢銷十大產品之一》。可惜'02被人踢爆誇大其效果,幾年後銷量開始大降,𠵱家甚至市場上消失。



'99:首隻衞生署認可屙油丸
99年 8月本港首隻獲衞生署註冊的排油減肥藥賽尼可( Xenical)於市面推出,獲譽為繼「偉哥」後最受矚目的產品,連現疑整容成外星人嘅韓君婷都有服用。


'03:代餐減肥法
由 03年到今日,連林志玲瘦身都食代餐粥。唐安麒雖然今時今日代餐多咗選擇,但味道都係單調咗啲。



'11:美顏瘦身口服啫喱
年底具美容功效嘅口服啫喱由日本熱賣到香港,到'13中更首現添加瘦身功效,連當時當紅 YouTuber大佬 b都大推。雖然今時今日,係萬寧、屈臣氏都見到踪影,但明顯熱潮與大佬 b人氣一樣。


'12:溶腩酵素
液體狀酵素減肥法已在日本風行多年,呢股熱潮亦喺呢年打入香港,更推出粒狀。其中最多人留意嘅算係'13推出嘅溶腩酵素,功效係服後能溶化食物和脂肪,並迅速排出體外兼清宿便,排毒之餘更可收肚腩。當年推出後反應不俗,一眾女 blogger和雜誌紛紛讚好。時至今日,依然有佢嘅信眾。


'13:果醋減肥
於網上爆紅、源自日本嘅「香蕉醋減肥法」,喺香港都 hit過一排。聲稱每日 3餐都飲 3匙香蕉醋, 1個月可輕 8公斤。惟於網上有多位營養師指出未有實證研究能證明香蕉醋可減重,此風又再被沉寂。


'14:自家製 Detox Water
由歐美殺入本港掀起自家製 Detox Water熱潮,聲稱可排毒瘦身,當時 Instagram、 Facebook日日畀人洗版。但次次要自己整,都咪話唔煩。


Cara.G主理、有時間表指示

測試級別:中級,每日卡路里 1,160,另有,入門級(1350kcal/day)及專業級(840kcal/day)。
價錢:$1,700,每支$70.8/350ml( 3日療程共 24支)。
送貨須知:購買需於前一日下午 5點前預訂,運送時間為翌日下午 4時至 8時。如若想安排早上送貨,則需提前 2天落單。(網址: http://www.geniejuicery.com/ )
附送配件: 1個冰袋兼附 1個大冰包可裝 8支蔬果汁,冰袋可維持 2小時,視乎天氣。
營養師評:“紅菜頭含鐵質及葉酸,鐵質可保護神經系統,葉酸可提供足夠氧分俾細胞運作。”
中醫師評:“不寒涼,適合不同體質人士,例如一星期飲兩次。但如果胡蘿蔔成分過多,其豐富的維他命 A若長期飲用可引致皮膚變黃。”
(由於 6個品牌所含 3日蔬果汁成分類同,故集中評價相中款式。)




減磅最多(含紅菜頭、胡蘿蔔、蘋果、檸檬)

Genie Juicery

由名模 Cara.G主理、'11年開設,今年 8月 1日仲係 IFC開旗艦店,連樂基兒、 Jessica C.都飲。聲稱以天然有機食材為主,全部每日鮮榨,皇牌療程附書教學,按次序飲用 8支不同口味及營養嘅蔬果汁,排毒過程中唔建議進食固體食物。



真人測試 1

好味度:★★★
「部份草青味太重!」
飽肚度:★★★★★
「依照時間表飲果汁完全唔覺肚餓。」
運送滿意度:★★★★★
「欣賞 Genie Juicery將果汁分開兩日運送,確保新鮮。」
「 Day 1排泄暢順咗,肚腩仔都細咗少少。」
總括優點:「排好晒飲嘅次序同建議時間,超貼心。而且夠飽肚,期間不會想偷吃。」
總括缺點:
「果汁要長期雪住,拎出街要拎埋冰袋,小小不便。」


Jewel Leung 22歲
學生 香港樹仁大學英文系 Yr.4


165cm


手臂


大腿



體重


由網上做到實店

測試級別: Day 1-Reboot level, Day 2-Grounding level, Day 3-Veggiecation level,每日卡路里約 900-1300。
價錢:$1,580,每支$87.7/500ml( 3日療程共支 18支)。
送貨須知:訂購需提早兩個工作天並於中午 12點前落單,運送時間可選下午 4時 30分至 7時 30分或 7時 30分至 10時。(網址: http://bejuiced-hk.com/ )
附送配件: 1個冰袋兼附 4個細冰包可裝 6支蔬果汁,冰袋可維持 4-6小時。
營養師評:“蕃茄內的茄紅素具抗氧化功效,可保護細胞免受自由基侵害。”
中醫師評:“蘋果醋和橄欖油可阻止身體吸收毒素,更可滑腸及改善便秘,不同體質人士皆可飲用。”


最多潮人追捧(含香瓜、番茄、橄欖油、海鹽、蘋果醋)



Be-Juiced

13年 3月由 2個香港人開業,起初只接受網上訂購, 15年 6月首間專門店登陸中環,僅 2年時間由網上做到入鋪。採用美國 Norwalk Hydraulic Press Juicer冷壓果汁機,令蔬果榨汁後仍保存所有獨特營養、酵素和礦物質。排毒過程中可進食蔬果類食物如青瓜、蘋果、烚菜等。潮人阿徐、 Sammi、 Kevin Poon力讚。




真人測試 2

好味度:★★★
「大部份果汁都保留到蔬果的香甜。另小部份果汁有薑,飲下去較辣,比較難入口。」
飽肚度:★★★
「一般,會有饑餓感。」
運送滿意度:★★★★★
「運送過程中有冰袋及冰包,飲時蔬果汁仲好新鮮。」
「 Day 2排泄次數增加咗 2次同埋個人感覺精神咗。」
總括優點:「包裝好靚,總括所有味道算幾好飲。」
總括缺點:「樽蓋太難開,有待改善。」


Judy Mok 22歲
兼職模特兒、美術助理


160cm


手臂


大腿



體重


澳紐農場食材

測試級別: Advanced Level,每日卡路里 1,100。另有 Basic(約 1200 kcal)及 Master(約 1,000kcal)
價錢:$1,500,每支$62.5/470ml( 3日療程共 24支)。(網址: http://www.pressedjuices.com.hk/ )
送貨須知:網上訂購會有專人回覆,三日內送到。
附送配件: 1個冰袋兼附 1至 3個細冰包可裝 8支蔬果汁,冰袋可維持 2-3小時,視乎送貨地點地點及天氣。
營養師評:“杏仁由單元不飽和脂肪酸構成,能降低體內壞嘅膽固醇,同時又會增加好嘅膽固醇。”
中醫師評:“適合體質虛寒人士,例如經常胃寒、怕冷、飲綠茶或綠豆水會見頭暈等。不適合燥熱體質人士,如濕疹患者等飲用。”


分店最多(含肉桂、荳蔻、杏仁、香莢蘭豆、海鹽、水)



PRESSED JUICES

已喺澳洲開設 20間店,'14 6月仲開到嚟香港,於中環開首店,僅 1年已喺香港成立 3間分店。原材料大部分係新西蘭及澳洲農場運送嘅時令食材,聲稱產品 100%純天然,共設香港及澳洲兩間廚房製作蔬果汁。澳洲廚房生產的蔬果汁必須係夜晚 12點前出廠兼運上飛機,第二朝即到香港即賣,絕對係每日新鮮製造,官方建議排毒期間如肚餓可飲花草茶或食杏仁。

真人測試 3

好味度:★★★
「蔬菜味濃且清新易入口,好啱夏天飲。」
飽肚度:★★★★
「一支可當一餐,完全夠飽。」
運送滿意度:★★★★
「分開 2日送,少少覺得唔方便,因要安排家人代收。」
「 Day 1去到下晏,覺得有啲頭痛同少少暈。」
總括優點:「最 like日日果汁唔同,新鮮感滿分。而且 size適中,拎出街好方便。」
總括缺點:「個人唔太喜歡飲凍飲。」


Yoki Tong 21歲
nowTV《 SPORTS Everyday》主持


165cm


手臂


大腿



體重


唯一玻璃樽、全有機

測試自選: Good Morning、 Daily Beauty、 Daily Greens、 Almond Strong、 Green Heart、 Doctor Green,每日卡路里 1,566。另有 3個級別 Easy(1651kcal)、 Lightly(1620kcal)及 Deeply(1303kcal)。
價錢:$1,584,每支$88/420ml( 3日療程共 18支)。
送貨須知:最少訂購 3支果汁,購買需於前一日下午 2點前預訂,運送時間為第二日上午 8時 30分至 11時。
(網址: http://mrgreenjuice.com/ )
附送配件: 1個冰袋兼附 2個細冰包可裝 6支蔬果汁,冰袋可維持 5小時。
營養師評:“醫學研究指出辣椒素含有豐富維他命 C之外,更有殺菌及抗菌作用。”
中醫師評:“生薑和辣椒可中和哈密瓜嘅涼性,成分較平衡,可經常飲用,但不適合熱底體質人士。”


樽最重(含蜜瓜、檸檬、生薑、辣椒)



Mr. Green Juice

'14 6月成立、以送貨為主、冇實店,係首家兼唯一以玻璃瓶而非塑料瓶出售蔬果汁,仲提供空瓶回收獎勵,只要集齊 6個空瓶及 1個冰袋就有$25現金券,環保之餘仲可以幫消費者慳錢。另外,所有飲品包括蔬果汁、牛奶等都標榜係 100%有機,官方建議排毒過程中唔建議進食。

真人測試 4

好味度:★★★
「有啲青草味,有啲薑味,有啲酸酸甜甜,幾好飲。」
飽肚度:★★
「第一日飲時,由於未適應覺得好肚餓。」
運送滿意度:★★★★★
「由於收貨當日我唔喺屋企,運送人員係得我同意之下,先將果汁擺喺鄰居,覺得運送人員超專業。」
「 Day 3飲左 3日發覺塊面冇咁水腫, V咗不少。」
總括優點:「飲完 5分鐘就想去廁所,都幾有效。」
總括缺點:「玻璃樽有啲重,拎出街搞到個膊頭好攰。」


Zooey Li 25歲
兼職模特兒


165cm


手臂


大腿



體重


搞勁多特色活動

測試級別:真人測試飲用為 Fast level,每日卡路里 946。同樣,有 3個級別可以選擇分別 Easy(1065kcal)、 Fast及 Deep(852kcal)。
價錢:$1,400,每支$77.8/400ml
( 3日療程共 18支)。
訂購須知:訂購可選擇透過電郵 sales@blessb.com或 Whatsapp+852 5290 8996。(網址: http://www.blessb.com/ )
附送配件: 1個冰袋兼附 1個大冰包可裝 6支蔬果汁,冰袋可維持 4小時。
營養師評:“橙及柚子都具豐富維他命 C,能提高細胞修護能力。”
中醫師評:“柚子不太適合有咳嗽人士,但維他命 C豐富,適合平日較少食蔬果人士。一星期可飲幾支,充當天然營養補充劑。”


最抵飲( 3日療程)(含柚子、橘子、胡蘿蔔、梨)



Bless

要數最多瓣數,非'14選擇於 KCC九龍貿易中心開鋪 Bless莫屬。與其他品牌最唔同,產品又多又特色-採用美國冷壓技術、堅持零溝水零糖分嘅果汁、零殺蟲室內水耕種植系統、蔬汁平均用上 2-3磅蔬果製成蔬果汁。平日又搞營養師講座、 fitness event大賽飲品,仲唔係多瓣數?

真人測試 5

好味度:★★★
「部分果汁是薑味,有點辣,個人不太喜歡薑。」
飽肚度:★★★
「 6支果汁中杏仁味較為飽肚。」
運送滿意度:★★★★★
「專人送到,而且為保持果汁新鮮,分開兩日送貨。」
「 Day 2朝早起身, feel到個人無咁攰。」
總括優點:「成分飲得出好天然,份量都好足,感覺自己都健康咗。」
總括缺點:「樽身有吊住咭仔,內含產品資料,但覺得貼喺樽身會方便啲。」


Alison Cheng 19歲
學生 香港樹仁大學傳理系 Yr.3


172cm


手臂


大腿



體重


前奧運選手都撐

測試級別:真人測試飲用為 Day 1-Level 1(1200kcal), Day 2- Level 2(860kcal), Day 3-Level 3(645kcal)。
價錢:$1,680,每支$93.4/500ml
( 3日療程共 18支)。
訂購須知:訂購需提早兩個工作天,運送時間為下午 4時至 10時。(網址: http://www.punchdetox.com/ )
附送配件: 1個冰袋兼附 3個細冰包可裝 6支蔬果汁,冰袋可維持 4小時。
營養師評:“西芹鉀質高,有助降血壓。青瓜水分含量高,有助將身體內毒素排走。”
中醫師評:“偏涼,有減少身體吸收毒素功效,適合有口乾口臭、皮膚暗啞、易生暗瘡和便秘症狀人士。”


最早開業(含芹菜、甘藍、香菜、青蘋果、黃瓜、苦瓜、螺旋藻)



Punch Detox

'10由兩位忙碌母親成立,聲稱為香港首家推廣排毒果汁的品牌兼以獨特冷壓機壓榨以保留最多的維他命及酵素等成分。每日 6支,每兩小時一支,唔只有蔬果提供維他命,更有杏仁等材料提供蛋白質。捧場客包括全球知名果汁排毒倡議者 Joe Cross,及前奧運游泳好手 Robyn Lamsam都係佢哋支持者。好適合平日工作忙碌或者食大咗要緊急減肥嘅人士。

真人測試 6

好味度:★★
「蔬果汁唔算易入口,但飲得出添加咗好多蔬果。」
飽肚度:★★★★
「需喝大量水才有不餓感覺,同埋份量算大。」
運送滿意度:★★★★★
「運送人員於送貨前有預先打電話核實送貨時間及 double confirm地址,感覺好細心。」
總括優點:「附送嘅冰袋可拎出街,放埋冰包,出街飲仲仍然新鮮。」
總括缺點:「因為屬於為食之人,所以 3日療程好考意志力。」


Audrey Chui 19歲
學生 香港城市大學社會系 Yr.3


165cm


手臂


大腿



體重


更多 Ketchuper 文章