香港
台灣
北美

男女 の夏香

周刊FaceUP 

香味除可吸引別人嗅覺外,原來仲有保健功能,好似肉桂味可提高判斷力,柑橘果香可醒腦提神,而迷迭香就可以增強記憶力,講到香味咁神奇,今期美容版就從香味出發,介紹各時裝品牌最新男女香水外,仲會推介帶有香味的男女護膚單品,用完全身香噴噴,可能仲會帶畀你一種神奇功效。

1.最大路
Issey Miyake L'eau d'issey Pour Homme Summer Edition$480/125ml
香調係今次 8牌中最清淡,雖然有青檸、西柚等酸甜香料,不過成功被其他中性味道蓋過,愈聞愈舒服,適合任何性格的男士。
主調:西柚、佛手柑、芫荽、青檸
濃味指數:★★

2.少有酸甜帶辣
Dior Homme Eau Sauvage Cologne淡香薰$580/50ml
採用市面男香較少用的白色做樽身,香調聞落亦同樣與別不同,西柚酸甜香調中帶點辛辣,包你噴後即時變得清新而有個性。
主調:柑橘精華、卡拉布里亞佛手柑、西柚、粉紅胡椒
濃味指數:★★★

3.木味強勁
DSQUARED2 Wild男士香水$553/100ml
未睇成分已清晰地聞到樹木味,加上黑皮樽身,感覺勁 wild,十足品牌今次以自由奔馳中野馬的靈感,想吸引女性識做喇。
主調:綿杉菊、樹脂調子、紅沒藥、土壤調
濃味指數:★★★★★

4.啱健康男
ck Free Energy$640/100ml
味道同樽身一樣勁健康,雖含黑胡椒、麝香等掯香料,不過香調卻零辛辣,反而散發明顯的橙與佛手柑香,噴後即時醒神晒。
主調:佛手柑、苦橙、黑胡椒、麝香
濃味指數:★★★★

5.樽身最型
Bleu de Chanel Eau de Parfum$1,150/150ml
今季推出限定大支裝,初時為木調混合琥珀的濃烈味道,不過約一分鐘後會減淡一點,深藍四方樽當裝飾擺勁貴氣。
主調:柑橘果實、西洋杉、琥珀、麝香
濃味指數:★★★★

6.出奇清淡
Jean Paul Gaultier Le Male EDT$680/125ml
Jean Paul Gaultier平時啲衫咁激,估唔到今年新品一反以往掯佬味,薄荷味特別明顯,整體香調算清淡,斯文男都啱喎!
主調:薰衣草、薄荷、雲呢拿
濃味指數:★★

7.掯剛陽調
Giorgio Armani Acqua Di Gio Profumo$870/125ml
以火山岩石與深海為創作理念,聲稱香調主打濃烈的礦物氣息,係咪礦物味就唔知,不過確實超濃烈,想增加男人味必入。
主調:欖香、天竺葵、廣藿香、乳香
濃味指數:★★★★★

8.成熟男必選
DOLCE&GABBANA Intenso男士香氛$900/125ml
首次以香水界未用過的乳木香調配,特別得來連陣味都男人味十足,想突顯自己的成熟味不妨考慮。
主調:香醋、蜜糖、乳木樹、麥麩
濃味指數:★★★★★


A.味最中性
B.Balenciaga Paris L'edition Mer淡香精$1,075/75ml
藍色樽勁海洋,連香料都含海洋調,不過聞落好中性,與男友共用都冇問題。
主調:柚子、活香綠紫蘇葉、水栽鈴蘭
濃味指數:★★

B.紓壓花果香
Daisy Marc Jacobs Eau So Fresh Sorbet Edition$725/75ml
早於年頭推出田園風硬照廣告已令廣大粉絲勁期待,今次實戰味道果然冇失望,香料花材與水果比重適中,聞落甚至頗有紓壓感。
主調:柑橘、蘋果花、茉莉花、水漾紫羅蘭
濃味指數:★★★

C.純花香味
Gucci Flora Gorgeous Gardenia$975/100ml
'09首推,今年更邀請已故摩納哥王妃 Grace Kelly孫女 Charlotte Casiraghi代言就知其經典地位,純粹的花香味,勁夾溫柔女!
主調:紅莓、素馨花、白梔子花
濃味指數:★★★

D.果香明顯
DKNY Delicious Delights Dreamsicle EDT$460/50ml
一睇粉色蓋有別同系經典銀即想象到香調較以往甜,不過今次有雪松木心等做基調,故果香味甜而不膩,唔會有旁人避開你。
主調:更加入蜜柑、紅桑子及黑加侖子
濃味指數:★★★★


E.送禮必殺
see by chloe si belle淡香精噴霧$710/50ml
單係個扮裙擺的粉紅間條樽身已勁 fancy,不過估佢唔到陣花香味頗清淡大路,一啲都唔覺過甜,送禮冧女實唔怕對方拒絕。
主調:橙花葉、梔子花、白麝香
濃味指數:★★★

F.實色玫瑰樽
Valentino Valentina Pink EDP$730/50ml
罕有的鮮粉紅立體玫瑰花樽身,睇見都想買。花香混合黑莓果香,不會太甜,香味持久度不俗。
主調:黑莓、五月玫瑰、果仁糖
濃味指數:★★★★

G.搶眼黃鑽
Versace Yellow Diamond Intense EDP$690/50ml
靈感源自品牌設計師 Donatella Versace最愛的黃鑽,香橙花味為最突出,香味比起上年推出的粉紅鑽石款為清淡,適合夏天用。
主調:黑子雪芭、香橙花、琥珀
濃味指數:★★★

H.淡玫瑰香
STELLA女士淡香氛$605/50ml
清淡玫瑰香,有琥珀令香調更中性,適合任何性格及年齡人士,仲有超模 Lara Stone全裸代言加持,噴完或會同佢一樣咁性感呢。
主調:保加利亞玫瑰、琥珀
濃味指數:★★★


( P.38-39) Calvin Klein旺角朗豪坊 Beauty Avenue專櫃( 2833 8379)、 Chanel金鐘太古廣場 158鋪( 2826 4522)、 DOLCE&GABBANA金鐘太古廣場 Harvey Nichols專櫃( 2907 6627)、 Dior九龍圓方 2113鋪( 2735 5268)、 DSQUARED2尖沙咀加連威老道 2至 6號愛賓商業大廈地下莎莎( 2301 2202)、 Giorgio Armani九龍塘又一城 G37鋪( 3188 1190)、 Issey Miyake尖沙咀 The One Beauty Bazaar專櫃( 2262 6911)、 Jean Paul Gaultier銅鑼灣崇光百貨專櫃( 2831 3908)( P.40-41) B. Balenciaga尖沙咀連卡佛專櫃( 2118 3453)、 DKNY銅鑼灣祟光百貨專櫃( 2833 8338)、 GUCCI銅鑼灣崇光百貨專櫃( 2831 8400)、 Marc Jacobs銅鑼灣崇光百貨專櫃( 2831 3908)、 see by chloe旺角朗豪坊 BEAUTY AVENUE專櫃( 3692 5197)、 Stella McCartney銅鑼灣崇光百貨香氛專櫃( 2831 8400)、 Valentino時代廣場連卡佛專櫃( 2110 0107)、 Versace尖沙咀廣東道連卡佛專櫃( 2110 1085)

Tom Ford清爽潤膚一支過

男人對護膚品的要求一要質地爽、二淡味、三仲要多功能,最好洗完面一支搞掂, Tom Ford的男士保濕乳液就有齊以上條件喇,含專利植物精油,聲稱可保濕、減紋同收毛孔,只要於潔面或剃鬚後,搽上就可代替爽膚及精華步驟,咁就有多幾分鐘襯套靚西裝喇。


Tom Ford For Men Oil-Free Daily Moisturizer$1,050

Check!試用感:一推即吸收

試用後乳液質地稀,延伸度佳,推開後唔使 10秒滲透晒,唔會有黏𣲷感,保濕度勁升 17%。

Tom Ford
銅鑼灣時代廣場連卡佛專櫃( 3180 1645)


Before


After


NUXE木香潔淨全身

好多男人都怕花香味,法牌 NUXE的全新男士系列以橡樹、角樹、南洋杉等 6種天然樹木為主打成分就啱晒,全系有沐浴露、剃鬚膏、保濕霜及眼霜,其中沐浴露就最適合運動男用,除含樹木精華外,亦由椰子、天竺葵成份,可溫和潔膚及紓緩作用,香味雖不及香水般濃,但可洗走一身臭汗味就經已足夠。


NUXE MEN Multi-use Shower$108/200ml

Check!試用感:夠潤零繃緊

杰身啫喱狀,起泡度一般,過水後皮膚不會有繃緊感覺,木香味不濃烈,而保濕度由 35.1%上升至 51.8%,懶搽 cream都 ok。

NUXE
尖沙咀加連威老道 2至 6號愛賓商業大廈地下莎莎( 2301 2202)


Before


After

Dior Homme抵買鳶尾花香止汗劑

北愛爾蘭科學家上月研究一種出汗愈多,香味愈濃的香水,但此香水就尚未推出市面,所以男士夏天仍要做好止汗功夫,防止狐仙出現。 Dior Homme今夏推出止汗劑新品,賣點係香味由品牌首席調香師 Francois Demachy利用鳶尾花、柑橘及黃姜所特別調製,聞落唔會似古濃水般濃烈,女士聞到都唔會反感,加上香味持久,當香水用都得,索價二百幾,絕對符合經濟原則。


Dior Homme Deodorant Spray$230/150ml

Check!試用感:討好花香味

壓縮式噴霧,噴後止汗劑分佈均勻於身體上,好快乾透,噴完可即着衫,花香味唔太掯。

Dior
九龍圓方 2113鋪( 2735 5268)


too cool for scheool小巧紓緩啫喱

左邊呢包印有爆肌男身材的物體,並唔係飲咗變大隻仔嘅飲料,而係 too cool for school的曬後紓緩啫喱新品,內含可降 温的小黃瓜和蘆薈成分,亦有印度簕竹萃可加強肌膚彈力及防止老化。每包只得 20ml,但足夠搽勻全身及面部,去旅行或去沙灘用就最啱,但重申搽完唔會如包裝身材一樣,留意留意!


too cool for school Jean George Llong Extra Soothing Gel$20/20ml

Check!試用感:用後清涼

啫喱狀吸收快,推開即變水,塗後涼浸浸,曬後搽好舒服,想再冰感啲可雪凍使用效果仲正,帶淡花香味女仔用亦可。

too cool for school
尖沙咀海港城 LCX KIOSK 3A鋪( 2513 8127)


The Body Shop富士綠茶浴鹽抗氧排毒

日本雜誌久不久都會大篇幅講浸浴對皮膚、身體有幾好,每次睇完都想立即衝返屋企來個美容浴,但齋浸浴冇意思,必需加入精油或者浴鹽先有效果。 The Body Shop新推的富士綠茶系列中就有浸浴鹽可選,內裡除有鹽粒外亦有日本富士山綠茶茶葉,既可抗氧又可排清身體毒素,浸完成個身都變輕鬆咗,仲帶有香薰精油味,有助加快入眠!


The Body Shop富士綠茶浸浴鹽$239/300g、過濾隔$59/個

Check!試用感:過濾隔夠貼心

今次品牌仲好細心出埋過濾隔,用時將浴鹽倒入過濾隔內後放入浴缸,浴鹽會慢慢融化,最正係內裡的茶葉不會外流,咁就唔怕塞水渠畀阿媽鬧。

The Body Shop
銅鑼灣金百利商場地鋪( 2915 0962)

Jill Stuart果香控油定妝噴霧

夏天化妝出街,無論事前做幾多補水功夫,底妝不出半日經已浮粉,所以保濕噴霧必定要跟身。 Jill Stuart新出的保濕噴霧內含薄荷聲稱可抑制油脂,又有橙花水鎖緊水分兼有淡果香味,夏天噴完特別有清爽感。記得若想底妝更貼服,可於妝後全面噴一次後用手輕拍至滲透;而外出補妝時則先以面油紙印走油分後噴完再拍上碎粉,加強貼服度,咁被人近距離「壁咚」都唔怕出醜。


Jill Stuart Fruit& Aroma Mist Refresh Oil Control M$190/60ml

Check!試用感:水珠夠細、保濕合格

非壓縮噴霧,但噴出水珠顆粒不大,妝後噴上亦不會過濕影響妝容,薄荷成分用後未有涼快感,但保濕度由 35.1%上升至 44.6%,表現不俗。

Jill Stuart
銅鑼灣時代廣場地庫二樓 B225A鋪( 2506 0116)


Before


After

AVEDA多用途紓壓植物精油

最近美國威斯康辛大學對全球 32國進行情感指數調查,結果香港人的情感指數為 0.3,比內斂的日本人還要低,證明壓力令香港人變得木無表情,想輕鬆減壓,不妨用精油按摩。 AVEDA紓壓系列前排推出沐浴乳及精油新成員,兩者均含有機向日葵油及巴巴蘇油鎖緊水分,而精油更特別加入薰衣草味,除可用作按摩亦可以 3-4滴浸 30分鐘香薰浴,雙管齊下,紓緩所有壓力,咁就可以做個快樂香港人喇!


AVEDA Stress-Fix Composition$300/50ml

Check!試用感:油感不重、吸收頗快

試以 2滴精油按摩雙手,按 3分鐘後精油已被吸收,用後皮膚只要有輕微油膩感,未致於會黐住衫褲,感覺舒適。

AVEDA
尖沙咀海運大廈 FACES專櫃( 3103 9317)


Before


After


SABON安心香薰花石

於家中燃點香薰蠟燭除可減壓外,亦可令家中充滿香味,如果你係怕火之人,用香石就屬不二之選。以色列身體護理品牌 SABON的玫瑰香石用時先加入 1-2滴香薰油於表面,後將香石擺放於家中角落或衣櫃等位置便可,若將香石放於電視機頂或有熱力散出的地方,香味更會散發得更快,仲可多次重複使用,夠划算!


SABON Aroma Stone Rose in Box$85/1個

Check!試用感:濃郁花香

立體玫瑰雕花夠靚,且不添加香薰油,玫瑰花香味已夠濃,放衣櫃辟味最啱,惟暫只得玫瑰味可選。

SABON
尖沙咀海運大廈 OT 309B鋪(2722 3101)

更多 Ketchuper 文章