香港
台灣
北美

稱外遊遭已婚堂舅父強姦 15歲少女指曾想過自殺令對方不好過

即時要聞 
2017-10-12 17:41:28 HKT

(資料圖片)

15歲少女稱去年與親友遊泰國時,遭已婚堂舅父在酒店房非禮強姦,事主X繼續接受盤問,X確認曾向男友人指「告佢唔入,我都唔會俾佢好過」,辯方問此話何解,X哭著指「我要令佢後悔對我做啲咁嘅嘢,我有諗過自殺,等佢後悔對我做啲咁嘅嘢。」X其後透露,母親案發後曾聯同舅父致電質問被告,對方承認強姦了她。

根據X與男友人的whatsApp紀錄,兩人曾商討報警事宜,X當時問對方「咁人哋問我有冇性經驗呢?點答?」男友人起初教X答「冇」,及後改口指「答有囉,大不了一齊死。」X回應對方指「我有諗過話有,之前俾Z,係好仆街,但有咩計。」辯方指兩人根本曾發生性關係,打算屈Z,X今解釋指當時誤會了性經驗的意思,她以為撫摸已等同性經驗,強調自己與男友人從沒發生性行為。

辯方又指,X在看完醫生後向男友人指「其實我啱啱去咗驗埋佢有冇搞過我」、「我媽話可能冇完成」等,男友人亦有反問「咁點知有冇性行為」,X表示要「驗」。辯方質疑X已清晰道出被告將陰莖插入陰道,為何仍要依賴醫生檢驗,X聞言又哽咽指「但有醫生驗咁咪可以確定真係有發生。」聆訊明天繼續。

相關新聞