香港
台灣
北美

【好友捐腎救一命】Justin Bieber舊愛 Selena Gomez接受活腎移植

即時娛樂 
2017-09-14 18:48:09 HKT

內文更新

加拿大小天王Justin Bieber舊愛、「IG女王」現年25歲嘅Selena Gomez剛剛突然於Instagram自爆自己於過去嘅夏天接受活腎移植,並感謝捐腎者送俾佢嘅「終極禮物」,又指自己一直受狼瘡(lupus)病症困擾,終於要為健康着想動呢個大手術。她不單於Instagram分享與捐腎者嘅合照,更分享自己手術後嘅疤痕,希望因此鼓勵眾多同患此病嘅人。

佢指自己過去夏天都冇宣傳新歌,係因為佢要接受腎臟手術,而家正康復中。「我知道有啲歌迷發現我過去嘅夏天一直好低調,又問我點解冇出嚟宣傳我好引以為傲嘅新歌。我發現係因為我嘅狼瘡病,要接受腎臟移植嘅手術,而我正在康復。為咗健康,呢個手術必須要做,老實講,我一直好想同大家分享,我想同大家度過過去幾個月嘅旅程。在此我要公開感謝於手術前後幫助我嘅家人,同一眾最好嘅醫生。最後,我要感謝我美麗嘅朋友Francia Raisa,佢送咗一份終極嘅禮物俾我,就係犧牲自己捐佢嘅腎俾我,我好受祝福,我愛你姐妹。狼瘡病一直被誤解,但而家已有進步,如想知道更多關於狼瘡病,請去呢個網址。」接住她佢貼出一個狼瘡病機構嘅網頁。

其實近日Selena一直都有出席活動,因此當佢公佈自己患病並做手術嘅消息,都令人非常震驚。昨日她剛出席咗時裝品牌嘅公開活動,另外數日前佢亦被影到正趕工拍攝名導活地阿倫(Woody Allen)於下年上映嘅新作。如佢所講,手術應該係數個月前進行,不過佢直到現在先同大家公佈。



Selena Gomez接受好友活腎移植。


Selena喺IG公開手術後嘅疤痕。