香港
台灣
北美

【Backstreet Boys成員Nick細佬】Aaron Carter 驚爆疑染愛滋病

即時娛樂 
2017-09-14 17:14:49 HKT


Aaron Carter 於節目自爆疑染愛滋病。


佢係Backstreet Boys著名成員Nick Carter細佬,90年代都紅過。


7月嘅時候同當時女友於美國喬治亞州涉嫌酒駕與持毒被捕。

29歲嘅90年代偶像,Backstreet Boys著名成員Nick Carter之弟Aaron Carter最近上節目,竟驚自爆懷疑染愛滋病!他於醫療節目《The Doctors》中指自己接受檢驗,坦言擔心自己係HIV帶菌者,更哭訴:「我好驚,我需要幫助!」因為佢最近暴瘦,1.82米嘅佢現時體重得52公斤,遠低於標準,令佢擔心自己因為染上愛滋病而暴瘦。

Aaron Carter於90年代曾係人氣偶像,但近年事業已大不如前,更曾申請破產,近來他再次新聞多多,包括宣佈出櫃、同女友分手、同哥哥Nick失聯、藏毒被捕、整容等等,最近佢上節目《The Doctors》又哭訴自己疑似有愛滋病。根據英國《每日郵報》報導,Aaron接受節目訪問,並進行健康檢測,基於最近突然暴瘦,佢哭訴自己恐患上愛滋病。佢又講到自己之前曾經常整容,已經上癮,並曾於無止痛藥時,喺街買來歷不明嘅藥物來服用或打針,只係想要變得更好睇。

7月嘅時候,他與當時女友於美國喬治亞州涉嫌酒駕與持毒被捕,當時二人拒絕作藥物測試,並藏有少量大麻,佢哋被控阻撓執法人員執法而被拘留。後來,又傳出佢破產,甚至連整車呔嘅錢都冇,而家又懷疑自己可能感染愛滋病毒。