香港
台灣
北美

【繼後香燈重任】想唔想為霍啟剛再生B 晶晶笑笑口:想呀!

即時娛樂 
2017-09-14 17:15:52 HKT

郭晶晶嫁入霍家,肩負繼後香燈嘅重任,為老公霍啟剛生咗囝囝霍中曦同囡囡霍中妍,長輩當然想佢哋再生B,咁唔知晶晶又點睇!?

今日出席灣仔修頓出席聯合國兒童基金會慈善跑記者會,被問想唔想再生B,晶晶即笑笑口講:「想呀!都想。」認為生仔生女都無所謂,因為已經有一仔一女,講到係唔係奶奶朱玲玲想佢再生,晶晶解釋:「主要是看我們。」

本月7號係奶奶朱玲玲生日,佢哋都有一齊食飯慶祝,晶晶同囝囝中曦整咗個盒子俾嫲嫲,盒子裡有好多嘢,嫲嫲收到都好鍾意,囝囝亦有唱生日歌,晶晶話覺得好開心。

晶晶o依家仍然餵母乳,囝囝都餵到一歲大,暫時做少咗運動,未開始keep fit,講到佢可以同奶奶打羽毛球,晶晶坦言冇一齊打,因為自己唔識打,睇番晶晶身型都ok。


(攝影:沈健程)





(蘋果日報)


(蘋果日報)

相關新聞