香港
台灣
北美

【係咪CG嚟?】羅蘭護士look晒腳 條腿係咪高Ling?

即時娛樂 
2017-09-14 17:11:45 HKT

萬聖節下個月就到,哈囉喂又嚟喇!近年海洋公園都鍾意搵「聖羅蘭」羅蘭姐拍宣傳片,宣傳效果真係好好㗎,今年唔止有聖羅蘭,仲有高海寧,高Ling仲以性感嘅護士Look出現,真係鬼咁惹火!(新聞連結: http://bit.ly/2h3Z3sI )

噚日海洋公園先喺發咗幾張高Ling嘅相,除咗有護士Look,佢仲以真身出現,化到成個《恐懼鬥室》(Saw)系列嘅公仔Billy look咁。睇相以為高Ling好爆啦?Sry,唔係,因為今日海洋公園就舉行「海洋公園哈囉喂全日祭2017」揭幕禮,仲播埋條廣告片,羅蘭姐坐喺一個好暗嘅環境蹺二郎腿,雖然呢個應該係用CG效果將羅蘭姐同高Ling混合埋一齊,但五官仍然認得出係羅蘭姐,令呢下蹺腳,就好似電影《本能》入面嘅莎朗史東咁,真係好「驚嚇」呀!最後高Ling以Billy妝出現番,仲好Cute咁叫人去玩哈囉喂。

喺揭幕禮上,連續8年幫哈囉喂拍宣傳片嘅羅蘭姐,今日着住染血護士制服現身,但係宣傳片嘅另一主角高Ling,就冇現身,但大家都唔使失望,主題公園就請咗阿Sa(蔡卓妍)做嘉賓。同場仲有海洋公園副主席劉鳴煒,佢就以巫師造型出現,同一班舞蹈員跳勁舞揭序幕。

至於羅蘭姐甫上台,已經全場掌聲,佢稍稍欠身向大家致謝,慢慢介紹下個護士角色:「護士一向都好溫柔,我呢個角色都係好溫柔,不過……唔知點解,全身都好多針筒喺度嘅。」呢個要睇《恐懼鬥室6 萬罰朝中》喎…今次同羅蘭姐合拍嘅護士——SAW——高海寧今日冇嚟,但羅蘭姐一提起佢就好開心:「高Ling真係一個好開心嘅女仔,佢成日笑,令現場啲工作人員都好開心。」唔知羅蘭姐有冇睇過卸咗妝嘅高Ling呢?好多網民話呢個look更似SAW喎…喺台下受訪時,羅蘭姐再補充話:「有玩過兩次鬼屋,都驚驚地,最驚係突然走出嚟,自己都嚇一嚇,但大家都知係人扮,只係嗰刻驚。」

剛有新戀情嘅阿Sa,被問到可會與男友石恒聰一齊玩哈囉喂鬼屋時扮驚,阿Sa說:「我唔會做呢啲嘢,但驚自己忍唔住嗌『㖿』,我自己都需要女仔啲。」容祖兒早前透露阿Sa旅行時經常與男友視像通話,阿Sa回應:「有幾成日?我好忙,去到都係做嘢。」至於男友為佢預備體貼紙巾(新聞連結: http://bit.ly/2x1fSZl ),阿Sa話:「幾好,我好少帶紙巾,通常問助手攞。」阿Sa仲否認同居及秘婚,咁問佢見咗家長未,阿Sa笑住話:「嚟海洋公園真係好恐怖,總之我有分數,唔交代咁多。」

羅蘭姐甫上台已經全場掌聲,身穿染血護士制服嘅羅蘭姐向大家稍稍欠身致謝,慢慢介紹下佢個護士角色:「護士一向都好溫柔,我呢個角色都係好溫柔,不過……唔知點解,全身都好多針筒喺度嘅。」呢個要睇《恐懼鬥室6 萬罰朝中》喎…今次同羅蘭姐合拍嘅護士——SAW——高海寧今日冇嚟,但羅蘭姐一提起佢就好開心:「高Ling真係一個好開心嘅女仔,佢成日笑,令現場啲工作人員都好開心。」唔知羅蘭姐有冇睇過卸咗妝嘅高Ling呢?好多網民話呢個look更似SAW喎…



攝影:陳慧安


俏護士高Ling。(facebook圖片)


實際上係Billy。(facebook圖片)


呢幕難分真假嘅羅蘭蹺腳,嚇親。(facebook圖片)


(facebook圖片)


羅蘭姐今日都以俏護士造型出席揭幕禮,但冇蹺腳。(蘋果日報)


(蘋果日報)


喺台上係幾嬌俏嘅,辛苦晒羅蘭姐。(蘋果日報)


高Ling冇影,大會搵咗阿Sa嚟,一樣有靚女睇。(蘋果日報)


阿Sa話同男友玩哈囉喂鬼屋時扮驚。(蘋果日報)


(蘋果日報)