香港
台灣
北美

【成日唔記得剃腋毛】狼死人妻露肉賺外快 李思欣爆遭范振鋒鬧

即時娛樂 
2017-09-14 17:20:48 HKT

李思欣今日著住性感嘅大露背晚裝,喺牛頭角為醫學美容中心拍攝代言人廣告,思欣仲會有一個著比堅尼嘅造型,不過因為佢之前去咗釜山旅行,所以都擔心會好肥,所以一向懶做運動嘅佢都專登做吓運動同推油,務求最佳狀態示人!

思欣仲話估唔到老公范振鋒咁保守,啱啱影咗造型相畀老公睇,老公竟然留言話:「你唔好再性感啲!」今次酬勞達六位數,佢非常滿意。

日前再有醫學美容發生事故,思欣覺得所有美容中心都應該有專業醫學團隊,接受療程前亦要先了解自己體質是否適合,問佢會否接受「微調」?佢話:「暫時未有需要,平時會做吓美容護膚,同保持心情愉快,不過我成日唔記得剃腋毛,佢哋好好,話會幫我搞掂。」

聽日會同老公、安志杰及阿Bob去加拿大拍戲,戲中會同外籍男演員有情侶戲,不過無情慾戲份。對於「小巨肺」Celine出局,佢覺得有少少可惜:「始終佢年紀仲細,相信佢再累積多啲人生經驗,加上本身都有咁好嘅唱歌技巧,將來會係明日之星,所以今次出局都唔使放棄。」


攝影:馬建華


李思欣話估唔到老公咁保守。(蘋果日報)


為咗今次造型,李思欣事前做咗啲運動keep一keep。(蘋果日報)


(蘋果日報)


李思欣話佢自己暫時未有需要微調。