香港
台灣
北美

【產後香港首現身】郭晶晶同豆釘跑步熱身 為咗隻羊冇晒符

即時娛樂 
2017-09-14 16:01:40 HKT

大陸跳水皇后郭晶晶為老公霍啟剛生咗囝囝霍中曦(Lawrence),今年4月晶晶再為霍家添丁,生咗細女霍中妍(Luarissa),湊成「好」字,佢哋喺暑假嗰陣,被影到霍啟剛一家出去外遊,據知佢哋去完溫哥華,就返晶晶北京娘家行吓。

幸福嘅郭晶晶今日去灣仔修頓出席聯合國兒童基金會慈善跑記者會,慈善跑將於十一月二十六日於迪士尼行舉行。UNICEF香港大使郭晶晶與黃金寶,及世界女子桌球冠軍吳安儀都有出席,黃金寶仲帶埋佢囝囝黃卓謙一齊嚟添。大會安排眾人與現場小朋友進行短跑比賽,郭晶晶熱身時蓄起長髮,化了淡妝,而且對小朋友都好細心照顧。

郭晶晶被安排同一個叫梓晴嘅小朋友一組,熱身時小朋友掛住玩羊咩咩公仔,唔想熱身,令晶晶都冇晒佢辦法。比賽由吳安儀一組勝出。

訪問嗰陣,晶晶都話諗住帶埋囝囝參加比賽,不過佢今日要上堂,所以嚟唔到。晶晶話囝囝平時都有做運動:「他不喜歡游水,他喜歡跑步。」又笑言:「他始終年紀太小,還未能定下來在一方面發展,只喜歡跑來跑去。」而且細女仲好細個,所以都冇跟哥哥跑。

講到早前被周刊拍到晶晶霍啟剛帶埋囝囝返北京省親,晶晶笑言一家人經常北上帶埋孫仔回鄉探親,對於報道指細女似嫲嫲朱玲玲咁靚,晶晶笑得仲開心:「我也不知道,她現在還很小,每天也有不同改變。」再問佢哋兩公婆會否 再上大陸參加真人騷?佢就話;「沒有喇,沒有再想。」一來因為小朋友仲細,二來因為上次個真人騷同運動有關,先至參加。總之親子騷亦唔會考慮參加:「小朋友應該做他應該做的事,享受跟孩子一齊玩嘅時候。」

想隨時獲得更多親子資訊,快啲like Easy PaMa Facebook啦!
https://goo.gl/1qWM8g


攝影:沈健程


郭晶晶產後喺香港首次現身,明顯瘦番。(蘋果日報)


(蘋果日報)


晶晶獲安排同梓晴小朋友一齊跑步,兩人一齊熱身。(蘋果日報)


不過梓晴攬住羊咩咩,晶晶冇晒符。


最後小朋友一齊舉下手。





之前兩公婆參加過真人騷,不過晶晶話之後唔會喇。(微博圖片)

相關新聞