香港
台灣
北美

【韓流】陀B全智賢出巡 羽絨長褸遮肚晒美腿

即時娛樂 
2017-09-14 15:38:10 HKT

韓國35歲女神全智賢同老公崔俊赫本身育有一子,今年6月女神宣佈再度懷孕,當時透露已陀B十周,預產期喺明年1月。

而宣佈陀B後,全智賢就一直深居簡出,但都有曾經喺陀B初期就飛到去巴黎開工,之後返咗韓國就一直專心安胎,不過今日全智賢就終於蒲頭,仲現身公開場合。

陀B五個多月嘅全智賢今日就現身代言嘅運動品牌活動,平日愛着高踭鞋嘅全智賢,今日現身時就以平底鞋示人。雖然韓國現時係夏天,天氣都幾熱下,但女神都唔怕熱,着上羽絨長褸現身。而懷孕嘅全智賢見到現場傳媒都有揮手打招呼,雖然佢以外套遮肚,但都可見佢腰肢又圓又粗,雖然懷孕成五個幾月,但全智賢嘅一雙美腿依然十分纖幼。



全智賢懷孕後首度現身公開場合


刻意遮肚



一雙美腿仍然十分纖瘦