香港
台灣
北美

【11月去法國讀藍帶】毛舜筠開私房菜同鼎爺打對台?

即時娛樂 
2017-09-14 15:21:17 HKT

毛舜筠同安德尊等噚晚喺尖沙嘴出席雲來軒主廚黃亞保嘅新書發佈會,毛毛啱啱喺加拿大出席大女區令山嘅大學畢業禮,現時囡囡已回港,但亦計劃再到加國繼續留學,毛毛話o依家好珍惜同囡囡相處嘅時間,每日都煮飯畀佢食,佢話:「之前讀咗個藍帶,對食物研究多咗,嚟緊11月會再去法國6星期讀藍帶,讀完就攞到廚師文憑證書。」

問到會唔會開私房菜同李家鼎打對台?毛毛就話:「佢好勁!喺藝人中真正識煮餸嘅廚師。」原來之前流感高峰期時毛毛喺加拿大中咗招,佢話:「係老公帶咗過去傳出嚟,開頭以為冇事,點知驗到係甲型流感,病咗足足5星期,但唔使隔離,病吓都幾好,可以靜吓調理吓。」提到拍戲,毛毛表示有劇本正洽談中,佢話:「要自己鍾意、啱做同開心,演員係我終生職業,唔會放棄。」另外,安德尊表示有再染指飲食生意,佢仲笑言飲食節目已被鼎爺壟斷。


毛舜筠大讚鼎爺喺藝人中真正識煮餸嘅廚師。


毛舜筠將到法國進修藍帶課程。(攝影:卓寶花)(蘋果日報)


(蘋果日報)