香港
台灣
北美

【Celine參加《全美一叮》】郭晶晶參賽要睇興趣 黃金寶:小朋友需要鼓勵

即時娛樂 
2017-09-14 17:15:19 HKT

郭晶晶今日去灣仔修頓出席聯合國兒童基金會慈善跑記者會,郭晶晶同黃金寶做UNICEF香港大使,之前晶晶同老公霍啟剛一齊上大陸真人騷《極速前進》第三季,問到佢會唔會再參加真人騷,晶晶直言:「沒有再想,其一因為要照顧小朋友,上次有關於運動題材,所以才參加。」咁參加親子秀又會唔會考慮,晶晶稱唔會,冇特別去諗,覺得小朋友現在應該做他應該做的事,享受跟孩子一齊玩嘅時候。

問到佢知唔知Celine妹妹參加《全美一叮》嘅賽果,晶晶就話冇睇過,o依家都冇時間睇電視節目,再問咁會唔會俾自己小朋友參加比賽,晶晶直言:「可能等他大個一點,到時候看他的興趣。」

同場嘅黃金寶都有帶2歲囝囝現身,囝囝好活躍,問到囝囝係咪遺傳到運動細胞?「咁又唔知,不過小朋友鍾意跑來跑去,平時返屋企見到佢都郁唔停、成身汗。」咁會唔會搵阿仔做接班人,「冇呀!冇特別諗,o依家都有同佢玩下平衡單車,有時見阿仔都鍾意玩波,冇特別培訓。」

問到有冇睇Celine參加《全美一叮》,「小朋友參加比賽,都要basic on佢鍾唔鍾意,呢類都係開心嘅興趣,希望唔好俾太大壓力個小朋友,小朋友係需要鼓勵,無論比賽過程當中,已直接或間接,接受緊挑戰,作為爸爸媽咪都應該鼓勵。」黃金寶覺得照顧小朋友要有耐性,最重要係小朋友要有開心愉快嘅童年。


(攝影:沈健程)


郭晶晶同黃金寶成為UNICEF香港大使。(蘋果日報)


黃金寶帶埋2歲囝囝出席。(蘋果日報)


至於晶晶,冇特別去諗俾個仔做咩,覺得小朋友應該做應該做嘅事。(蘋果日報)




講到Celine,晶晶話希望唔好俾太大壓力小朋友。

相關新聞