香港
台灣
北美

【韓流】朴有天婚期一改再改惹情變疑雲 金在中亞巡騷香港有份

即時娛樂 
2017-09-14 19:00:39 HKT


黃荷娜同朴有天婚期一改再改


左起:金俊秀、金在中及朴有天

韓國男團JYJ嘅三位成員朴有天、金在中及金俊秀都先後入伍當兵,當中金在中同朴有天已完成兵役,金俊秀就到明年11月先退伍。

由於朴有天去年捲入性侵案,令佢形象受損,而佢亦戀愛大過天,被爆將與南陽乳業家族外孫女黃荷娜結婚,不過兩人嘅婚期多次更改,原定今個月結婚,但日前又被爆將會延期,朴有天所屬嘅事務所亦指唔會公開婚期及地點。

因為婚期一改再改,令到外間懷疑兩人感情生變,而朴有天方面今日回應傳媒時就強調二人感情未有任何問題,指兩人婚期唔會喺9月中舉行,其他一切無可奉告。

另外,金在中現時就主力進行個人活動,當中事務所就宣佈金在中將於10月起展開亞洲巡迴粉絲見面會,當中首站將定於10月29號喺首爾舉行,之後更會到香港、澳門及台灣等地開騷。