香港
台灣
北美

摩家軍全面出擊!各路人馬敬請睇路行

即時賽馬 
2017-09-14 23:35:16 HKT

【新增影片】

可能見到多年對手蔡約翰開始有啲異樣,所以上季破練馬師總獎金紀錄嘅大摩,今朝早(14日)都唔敢放軟手腳,怠慢今期戰馬嘅備戰情況,仲拉埋自己仔仔喬治一早落機坪,組成父子檔近距離聽主帥貝湯美進行匯報。

而貝湯美呢朝亦相當勤力,一口氣幫波士操九匹馬,其中四駒係今期日賽戰馬,為頭場「駿馬翹楚」、六場「勝利專家」、八場「確威風」及十場「綠勇士」。

無他嘅,貝湯美來港後,只為波士暫得冠亞季各一,成績未算話好亮眼,連操馬都唔係自己操嘅話,又點向大摩馬房一眾馬主交代呢?

不過,大摩依然相當信任呢位馬房新主帥,將周六(16日)大部份戰馬交俾佢打骰。其中頭場「駿馬翹楚」、第六場「勝利專家」及第九場「多紅利」正正就係湯美仔胯下的惡馬,今次值得留意。


大摩(左)與兒子喬治一早落機坪,跟馬房主帥貝湯美(右)商討策略。


確威風


綠勇士