香港
台灣
北美

【蕭正楠冇呷醋?】新劇嘴完又嘴 黃翠如:三哥冇得錫

即時娛樂 
2017-09-14 18:20:25 HKT


翠如話同三哥冇咀戲!


陳豪話同宣萱咗識咗好多年,不過未合作過!



三哥同許紹雄再度合作。



唔知今次麥明詩嘅表現係點呢?


三哥苗僑偉、陳豪、宣萱、袁偉豪同黃翠如噚晩喺深圳出席《使徒行者2》嘅記者會,喺預告片段見到黃翠如同袁偉豪有唔少嘴戲,仲會同埋周柏豪有一段三角關係!

講今次錫勻啲男主角,翠如笑笑口話:「唔係呀,都冇錫晒,三哥冇得嘴。」睇到啲片見佢哋錫得好肉緊,會唔會唔俾另一半去睇呢?翠如話男友一定會睇,袁偉豪都話:「其實都係好親密啫,只係佔好少戲,我會叫佢睇,仲要食住花生去睇!」

陳豪話同宣萱認識咗10幾年,仲試過同一個經理人,但係估唔到未有合作過,估唔到隔咗咁多年有呢個機會:「今次叫做首度合作,不過Jessica始終係一個份量演員,加上佢又玩得,所以合作得好開心,又有默契。」

不過陳豪話佢今次係飾演黑幫人物,所以唔可以俾囝囝睇,始終電視對佢哋影響好大!企喺隔籬嘅宣萱亦對陳豪讚不絕口,佢話:「我以前喺戲內戲外都鍾意壞男人,不過o依家知道係唔可以,但係反而想學到陳豪一半嘅漫活同隨和生活!」

三哥話佢本身亦對收視有信心,講到有指三哥曾經幫金剛難關,三哥話:「呢啲唔好講喇,大家咁熟,我又睇住佢喺台灣嚟香港發展,佢有困難需要幫助,能力範圍幫到幾多就幫。」