香港
台灣
北美

【發展不似預期】說好的度身電影呢? 徐子珊向王祖藍扭計要放假

即時娛樂 
2017-09-14 14:20:26 HKT

徐子珊簽約王祖藍公司後,發展都未如意。(資料圖片)


祖藍經常帶同子珊出席大陸節目。(資料圖片)


(資料圖片)


之前參與大陸真人騷節目《吃光全宇宙》時,連童子尿醃嘅蛋都食。(網上截圖)


(微博圖片)



(ig圖片)

38歲嘅徐子珊,15年離開無綫後,發展一直麻麻地,去年佢就經樂易玲嘅穿針引線下,加盟咗王祖藍同邵氏兄弟電影公司合資嘅「手工藝創作有限公司」,一心轉攻大陸市場,但今日就有報道話子珊對祖藍有啲微言,話祖藍未安排佢拍電影,仲扭計要放一個月大假呢!

子珊入行11年,喺大台拍過好多劇集,仲差不多全部都係主角,可惜呢啲劇集對佢喺大陸嘅知名度冇乜幫助,所以佢簽咗祖藍後,祖藍都出盡佢喺大陸嘅人脈,希望提升子珊喺大陸嘅知名度。報道入面嘅知情者講,大陸真係有好多又靚又後生嘅女演員,真係幾時輪到子珊吖,但係祖藍一直都好俾機會子珊,經常向大陸嘅製作團隊推薦子珊,等佢可以參加真人騷節目之外,祖藍仲會安排子珊做佢演唱會嘅嘉賓,真係對子珊好好㗎!但知情者就話,子珊簽祖藍時,係講明對方會度身訂造一套電影俾佢,同想執導演筒,可惜一直都冇影,子珊就係咁同人呻,仲當住祖藍面扭計話要放一個月假休息。