香港
台灣
北美

愛將食白果點算好?鄭俊偉對佢好公道嘅!

即時賽馬 
2017-09-14 22:44:55 HKT

鄭俊偉(左):做我叫你做嘅嘢就開到齋㗎啦!(設計對白)


杜利萊今早為大道至公進行試跑


鄭俊偉新季開局不錯

上季掹車邊僅僅以16W上岸嘅練馬師鄭俊偉,今季嘅運程可以話唔同晒,9月過咗未夠一半,已經喺四個賽日入面,贏咗兩場頭馬,似乎呢個馬房嘅目標唔再係打護級咁簡單。

見到米高鄭咁勇猛,戰意咁旺盛,鏡頭當然要影吓佢今朝早(14日)嘅動態啦。佢一如以往,繼續落地近距離睇旗下馬備戰狀態,仲周不時同自己愛將杜利萊有傾有講。

當杜利萊策騎今仗第三場五班泥地一哩座騎「大道至公」出大圈快跳嘅時候,米高鄭更做埋貼身保鑣,全程似塊藥貼咁,纏實「大道至公」側邊,極認真咁向鞍上嘅杜記落柯打點操,似乎米高鄭想由自己為愛將盡快開齋咁喎。

「大道至公」上季首場唯一頭馬,就係由杜記喺同班同程搞掂,今次排唔錯嘅4檔,加上孭磅唔重,又有咁上述嘅動靜,值得放落備忘錄啦!