香港
台灣
北美

【一場誤會】高路普同西維爾教練爆衝突

即時體育 
2017-09-14 11:27:09 HKT




比列素被逐

利物浦賽領隊高路普喺球隊主場賽和西維爾嘅歐聯分組賽,因為客隊教練比列素阻止佢哋開界外球而有衝突,其後雖然比列素畀球證驅逐咗上看台,但完場後高路普去同對方教練組成員握手時又有爭執,不過,呢位德國籍主帥賽後去咗西維爾更衣室,仲話同佢哋之間百分百冇問題。

下半場比列素第二次影響界外球開出,佢喺唔肯將個波交畀利物浦嘅祖高美斯、反而將個波掟去遠處之後,除咗畀紅軍球迷噓佢之外,仲畀球證趕上看台。

據《鏡報》報道,賽後高路普去同西維爾教練團握手時,有人對佢大叫,高路普反問「點解對住我大叫?點解要咁做?我做咗乜嘢?唔係我趕佢(比列素)走!」但高路普其後接受訪問就話「賽後對方邀請咗我去佢哋更衣室,100%冇問題」,高路普強調大家傾偈時都有笑容,反而佢自己就可能因為賽果而冇乜笑容。

相關新聞