香港
台灣
北美

【獲劉詩昆欣賞】《全美一叮》出局!Celine十一月出席慈善晚會

即時娛樂 
2017-09-14 13:24:32 HKT

一場遊戲一場夢,Celine自參加《全美一叮》後,引起話題,爸爸譚順生是非纏身,今日《全美一叮》直播投票賽果,Celine十強止步,原來國寶級音樂大師劉詩昆同鋼琴公主孫穎都有留意Celine嘅歌喉。

劉詩昆接受《蘋果》訪問時,話睇過Celine嘅表演覺得非常鍾意,佢回想一下:「這個小朋友唱得非常好,從一個專業的角度來看,很有音樂天才。」

孫穎解釋小朋友係一張白紙嚟,吸收到啲乜就會盡自己努力去表達出嚟,假如Celine可以將自己嘅童心,有一個環境俾到佢盡情發揮,可能會更加好,因為佢天生歌喉嘅power,好少有小朋友做到,劉詩昆補充:「她的音樂感很好,她這麼小的年紀唱英文歌,音樂感覺這麼好,是很少有,她是很有音樂天才,我是從音樂專業的角度來看她,由媒體曝光,我們是看她的音樂才能。」

據知今年11月18號,Celine獲邀出席一個東方與西方音樂藝術交流嘅《照亮你生命.世紀音樂盛宴》慈善晚會,假邵氏影城舉行,同場會不少音樂家,晚會當晚收益將全數撥作慈善用途,為低收入家庭嘅弱勢社羣,提供接受音樂教育嘅機會。


相關新聞