香港
台灣
北美

罕見落地接馬!何良換件橙色衫 博旺一旺佢?

即時賽馬 
2017-09-14 22:28:58 HKT

何良(左)今朝着橙色衫督操,跟當時主操祥勝駿駒的羅理雅猛傾。


祥勝駿駒(左)最終配蔡明紹出賽周六第九場

【新增圖片】

練馬師何良今朝(14日)着住件橙色衫監督操練夠晒搶眼,但係佢嘅舉動亦備受關注,特別是他高度緊張出戰周六(16日)第九場三班1000米直路賽的「祥勝駿駒」。

今早安排呢匹馬往千八草地單試800米,見倉主於烽火台舉鏡睇完出跳過程之後,立即動身走往上落馬沙圈等候羅理雅返嚟,呢個鏡頭真係極之罕見,正所謂此地無銀三百両,唔係搏殺都冇人信。

「祥勝駿駒」上季初在9月11日作季內首戰,跑1000米直路賽一出即勝大三個半馬位,屬利跑新鮮之輩,今次部署模式差不多,倉主又有咁嘅動靜,睇嚟會照辦煮碗。

值得關注的是羅理雅最終不是騎「祥勝駿駒」出賽,他在同場將策沈集成馬房「威信」;後駒既未由羅理雅操過,亦未試過由他策騎出賽,情況令人有點摸不着頭腦。