香港
台灣
北美

【悲定喜】法明奴歐聯地標入波 12碼宴客睇齊謝四

即時體育 
2017-09-14 09:43:42 HKT

【新增動新聞】
利物浦星期三喺歐聯分組賽同西維爾賽和2:2,喺歐聯「地標」入波為球隊追平1:1嘅羅拔圖法明奴,其後主射12碼唔入,心情相信係悲喜交集。

紅軍今場開賽5分鐘已經失波,首次亮相歐聯嘅法明奴就喺21分鐘入波為球隊扳平,成為咗繼奧雲、列馬倫、施斯、摩連迪斯同埋巴洛迪利之後,第六個喺歐聯「地標」入波嘅利物浦球員。

到咗上半場42分鐘,法明奴原本有機會令當時已經反先2:1嘅利物浦將優勢擴大,可惜呢位巴西球星主射12碼中柱唔入,成為咗近10年第一個喺歐聯射失12碼嘅利物浦球員,難怪佢賽後會雙眼通紅。利物浦對上一次有球員喺歐聯射失12碼,係2007年對馬賽嘅謝拉特。



羅拔圖法明奴賽後眼有淚光

相關新聞