香港
台灣
北美

【結局好「精采」】「戲屎」陳展鵬鼻涕反晒光 有遮唔擔懶浪漫?

即時娛樂 
2017-09-14 00:02:20 HKT

《同盟》噚晚咁就大結局,之前估生估死邊個係Rainman,對唔住,最後話你知原來Rainman唔係Big Boss,即係考試答問題,答案唔喺考試範圍入面一樣……

鮑姐「夾硬」喺上集死過翻生,大結局呢集陳展鵬利用呢點,引韓瑪利同林子善露出馬腳,有網民睇唔過眼,話套劇係「計中計中計中計」不停loop。

之前大家估嘅Rainman韓瑪利、林子善同歐瑞偉,統統喺今集死晒,Rainman仲捉走咗鮑姐,陳展鵬為咗救人,去咗搵Rainman嘅4個幕後大老闆,仲成功取代埋江美儀,咁就救番屋企人,不過警察就話陳展鵬死咗。當然啦,喺大台劇兩年話咁快就過,陳展鵬都冇死,仲收集晒犯罪證據,消滅咗4個幕後大老闆,仲好「巧合」俾陳展鵬見番胡定欣。

係呀,套劇咁就完咗,不過睇大台劇,內容未必係重點,對白有時都好「精警」,好似咁:

「我IQ有140,點解要聽你班蠢人講嘢」--林子善
講完無耐,林子善就用拆信殺死咗「蠢人」韓瑪利,但好快就中咗陳展鵬計,同一班令氏高層一齊拍毒死咗。

「佢有心殺晒我哋嚟報仇,呢個一定係殺局」--陳展鵬
江美儀捉咗鮑姐,打電話要脅陳展鵬同陳山聰,講完電話陳展鵬發表「殺局」偉論。

「阿傑點解你要咁對我,你話唔會丟低我,點解你要咁狠心。求下你話我知你喺邊,我想同你一齊。」--胡定欣
扯遠少少,如果唔睇套劇,胡定欣呢番對白,絕對可以用嚟形容胡定欣-陳展鵬-單文柔呢段感情關係。

除咗金句,前幾集被江美儀形容「啲戲好差」嘅陳展鵬,今集有好多眼濕濕鏡頭,其中一幕佢同鮑姐講到喊,仲滴出一滴鼻涕。到咗結尾,陳展鵬重遇胡定欣,明明胡定欣有擔遮,但總係要丟落地,等陳展鵬除褸擋雨。


(電視截圖)


上集中槍嘅胡定欣,好快就無事醒番。(電視截圖)


(電視截圖)


(電視截圖)


鮑姐都冇事,仲令韓馬利同林子善露出馬腳。(電視截圖)


(電視截圖)


(電視截圖)


殺咗韓馬利之後……(電視截圖)


自己都中毒死咗。(電視截圖)


鮑姐家破人亡,責怪阿仔點解咁狠心。(電視截圖)


陳展鵬流出一滴鼻涕。(電視截圖)


易先生都死埋。(電視截圖)


最後佢取代江美儀做咗Rainman,仲成功搗破幕後大佬。(電視截圖)


之後喺雨中見到胡定欣,丟低把遮…(電視截圖)


喺要用外套擋雨。(電視截圖)

相關新聞