香港
台灣
北美

【咪當我冇到】香港戴圖理爆58倍Win!全場最冷兩駒串6789蚊Q

即時賽馬 
2017-09-13 22:58:03 HKT

賴維銘


競駿時代(內欄黑帽)






賴維銘



蘇偉賢





眼見小師弟潘明輝這晚(13日)四捷攞晒彩,華將大師兄賴維銘不甘示弱,佢於第七場三班1200米爆大冷勝出蘇偉賢馬房「競駿時代」,從而打開個人今季勝門。「競駿時代」季內首戰即贏,單Win及組合獨贏A3分別派583及37.5元。

曾有「香港戴圖理」之稱,現年43歲之賴維銘,因傷關係,對上兩季每季皆分別只得一Win,策騎生涯十分坎坷,今季開季以來佢上陣機會亦唔多,首三個賽日共九匹上陣馬得兩季未贏過。

這晚賴仔繼續多場坐冷板,只得三匹座騎,但佢騎「競駿時代」非常爭氣,沿途守第二位,直路透出後瘋狂力策,力拒對手衝刺贏頸位,以全場最冷門58倍身份掄元,為賴仔打開個人今季勝門,亦令蘇偉賢繼上周三(6日)晚頭場勝出「好富有」後,再於谷草建功,保持今季夜馬未斷纜。而「競駿時代」則取得服役第三Win。

第七場爆到杰撻撻,全場最冷馬「競駿時代」勝出,次冷48倍的「中華寶貝」由楊明綸跑第二,連贏派6,789元。第三名「新威龍」亦為冷門,第四名則由冷馬「超好玩」及熱門「翡翠劇院」平頭瓜分,四重彩分別派超過25萬及31萬元。