香港
台灣
北美

【箍煲成功?】婚戒仲喺手 朗尼歐霸盃照踢

即時體育 
2017-09-13 22:30:18 HKT

朗尼想證冇婚變?


朗尼同高蓮嘅婚姻受到嚴峻考驗

同老婆高蓮鬧婚變嘅愛華頓球星朗尼,周三隨愛華頓大軍赴意大利,備戰翌日對阿特蘭大嘅歐霸盃首輪分組賽,但傳媒發現佢右手無名指仍然戴住婚戒,睇嚟想同外界證明,夫妻兩人唔會離婚收場。

喺高蓮大肚兼外遊期間,朗尼被揭發出去偷食,仲要因為醉駕令到全世界都知,當時傳高蓮覺得好冇面,兼認為老公一而再再而三犯下同一錯誤,向呢位前曼聯球星提出離婚,但據講最後被朗尼再次氹掂,惟高蓮有個條件,就係要朗尼喺今個周中向球會請假,陪佢一齊旅行嚟修補夫妻關係。

唔知呢單傳聞係假,定抑或愛華頓唔批,總之周三出發去機場嘅歐霸盃大軍,朗尼一樣喺度,但就見到佢右手無名指隻結婚戒指冇除落嚟,有意澄清婚變傳聞。

相關新聞