香港
台灣
北美

【李八方online】土地小組分唔到餅仔 漁農界嬲咗777?

即時要聞 
2017-09-13 20:04:49 HKT

林鄭參選特首時拜會過漁農界。蘋果日報

政府成立諮詢組織、民主派質疑獲委任嘅成員背景、政府聲稱持開放態度,上述呢個套路,屢見不鮮。今次八方畀條新戲軌大家:政府成立諮詢組織、民主派質疑、政府聲稱持開放態度、建制派質疑成員背景,係咪未聽過呢?

講緊嘅係特首林鄭月娥為咗增加土地供應、解決房屋問題,上月尾成立嘅土地供應專責小組。民建聯漁農界代表何俊賢今日同60名漁農界選委、香港漁民團體聯會同埋香港農業聯合會,發出署名公開信,批評專責小組冇漁農界代表。

佢哋認為政府增加土地供應離不開填海同收回農地,而兩者都會影響漁農界,有乜理由小組冇業界代表先?其實高佬賢毋須動氣,林鄭唔係話過,小組嘅工作係同社會大辯論,而且係同任何界別嘅人辯論咩?又唔使為分唔到一席嬲嬲豬嘅。