香港
台灣
北美

【亞視藝人做老闆(1)】花盡7位數身家 張家瑩改名轉運殺入飲食界

即時娛樂 
2017-09-14 12:00:39 HKT

亞視由舊年4月熄機至今已經過咗年半有多,唔少前亞視藝人都已經有晒新去向,有啲就過檔無綫,有啲就做自由身演員,繼續係演藝界發展。不過同樣喺亞視出身嘅張珮汶(前名張家瑩)同楊正軍,佢哋就選擇離開演藝圈創業做老闆,想知佢地近況係點?睇下呢兩段動新聞啦!

記者:倩宜 攝影:仇志德、馮峰、TOTO

亞視熄機之前仲係叫張家瑩,但亞視熄機之後,家瑩就改咗名,依家叫做張珮汶(Grace),問到佢改名原因?Grace話:「因為有高人指點,話改名之後會順利啲,同埋改名之後就好似一個新開始咁,自己都係最近先完成晒改名嘅手續。」

三年前,因為睇到亞視唔穩陣,所以Grace就開始為自己鋪定後路,用咗七位數去投資開餐廳:「嗰陣時仲做緊亞視,我係一個好穩陣嘅人,當時候我開始睇到間公司有啲唔對路,就諗係時候為自己創造一啲嘢。用咗差唔多成副身家,自己都覺得好大投資,但同時又諗,如果依家唔去試,將來呢筆錢可能又唔夠。」

最初Grace以為開間餐廳,有朋友嚟幫襯、自己得閒落去做下生招牌就已經足夠,但係做落佢先發覺做生意唔應該係咁。「當時咩都唔識又以為自己好勁,開始咗先知好多嘢真係需要學,最重要係學做人。做生意唔可以淨係諗自己有幾多朋友,如果你成日都要靠朋友嘅話,呢門生意係唔得嘅。有時生意唔好,唔可以去賴啲同事做唔到嘢,因為有可能係價錢出錯、有可能來貨有問題,但如果唔係以上嘅問題的話,有問題嘅就係個老闆,係個老闆嘅決策出問題。」

Grace坦言話自己做藝人時,因為無論遇到咩事,都有工作人員幫佢解決好,佢只要顧掂自己個靚樣就已經OK;但到依家做生意就完全唔同,發生咩事都要自己去解決,所以Grace都話:「以前做藝人真係俾人寵壞咗,寵到有公主婆,但依家做生意唔可以咁,因為你脾氣差,啲人走晒。」

現時主力打理餐廳生意,Grace話拍戲拍劇嗰啲都係次等:「我心情唔係拍嘢嗰度,之前我都拍咗子華嗰套《棟篤神探》,入面得一場戲,係同子華做對手戲嘅,我覺得一場戲過下癮ok,但如果係要我拍幾組,我真係要考慮下,因為始終唔放心間餐廳。」



張家瑩現時已改名為張珮汶(Grace),她笑指改新名如同新開始。(蘋果日報)


Grace指現時對幕前工作興趣不及打理餐廳生意大。(蘋果日報)


雖然身為老闆娘,但Grace仍會幫手執頭執尾。(蘋果日報)


如果有朋友來餐廳光顧,Grace便會暫時放下工作,跟朋友吹水。(蘋果日報)


Grace笑指自開了這所日本餐廳後,約朋友食飯,首選必定是自己餐廳。(蘋果日報)


此盤近江牛是Grace親自設計,她形容這盤牛肉是自己的BB。(蘋果日報)


到日本旅行時,Grace最愛搜羅清酒杯,並放於餐廳內供客人使用。(蘋果日報)


亞視欠薪期間,Grace跟蔡國威經常被追問公司情況。(蘋果日報)


不少前亞視藝人,均已過檔到TVB。左起:鮑起靜、田蕊妮、江美儀、陳煒。(蘋果日報)

相關新聞