香港
台灣
北美

【出現了】同羅蘭姐拍萬聖節宣傳片 高海寧現「真身」

即時娛樂 
2017-09-13 19:19:18 HKT

唔經唔覺,已經嚟到農曆七月尾,中國傳統嘅鬼節已經嚟到尾聲,怕鬼嘅朋友可以暫時鬆一鬆,但係如果你係天生膽生毛,天不怕地不怕嘅話,都可以開始準備迎接十月份嘅萬聖節喇。

話說十月份將近,意味住一年一度嘅萬聖節又到喇,而各大主題樂園都開始鋪排好各類玩樂設施,俾大家過番個又驚又喜嘅萬聖節。而最近海洋公園搵嚟羅蘭姐幫手拍攝萬聖節宣傳短片,咁多年嚟海洋公園嘅萬聖節短片都好有創意,吸引到唔少網民討論,而羅蘭姐都幫咗好多年手,不過今次睇嚟羅蘭姐要被人搶晒鏡喇!

今年海洋公園搵嚟高海寧幫手拍攝,一開始高海寧仲以一身性感護士Look出場,以為咁就完?最驚喜嘅都未到,高海寧今次竟然玩埋自己一份,以「真身」《恐懼鬥室》系列嘅公仔Billy look出場,短片會喺聽日出街。



最近海洋公園搵嚟高海寧幫手拍攝萬聖節宣傳短片。


一開始高海寧仲以一身性感護士Look出場。


高海寧今次竟然玩埋自己一份,以「真身」出場。


《恐懼鬥室》Billy(互聯網圖片)