香港
台灣
北美

【三年人事幾番新】紅軍上場歐聯分組賽 正選陣容幾乎走晒

即時體育 
2017-09-13 19:00:48 HKT


14/15球季歐聯分組賽煞科戰正選陣容


今屆歐聯附加賽的正選陣容


前紅軍主帥羅渣士


謝拉特(右)及佐敦軒達臣


史達寧


當年比賽紅軍有拿沙馬高域領紅被逐

利物浦重返歐聯,將會喺今晚深夜上演首場分組賽,主場迎戰西維爾。紅軍上一次出戰歐聯分組賽,係14/15球季對巴素利,不知不覺已經相隔近3年,當時同預計今晚嘅正選陣容相比,已經人面全非。

紅軍喺13/14球季英超獲得亞軍,翌季出戰歐聯,但喺14/15球季分組賽成績一般,小組煞科戰主場迎戰巴素利,要贏波就一定要贏對手,點知最終只係踢成1:1,以兩分之差落後次席嘅巴素利出局。

當時紅軍仍然由目前執教些路迪嘅羅渣士領軍,神奇隊長謝拉特亦在陣中,至於中前場「埃及文明」組合等人,全部都仲未染紅。

由於蘇亞雷斯已經走人,另一射手史杜列治受傷,當年呢場生死戰,紅軍要靠列基林拔爭取入球,結果令人失望。睇番當時正選陣容,謝拉特、格連莊臣、史卡迪爾、荷西安歷基、盧卡斯、祖阿倫、史達寧同林拔都已經離開咗紅軍;至於門將米洛列特就已經被事先張揚,今晚對西維爾冇正選踢,領隊高路普任命卡利奧斯做歐聯專用門將。所以今晚隨時得返隊長佐敦軒達臣同洛夫雲仲係正選。

相關新聞