香港
台灣
北美

【韓流】新片演高智商偵探 李光洙學生相曝光

即時娛樂 
2017-09-14 10:00:39 HKT

韓國綜藝節目《Running Man》(RM)嘅32歲男星李光洙,早前孖權相佑及成東日拍攝新片《偵探2》,而電影終於喺大前日煞科。

噚日電影方面公開李光洙、權相佑及成東日嘅合照,權相佑表示:「能夠跟第一集嘅演員一齊再續前緣,真係非常有意義。續集嘅故事更加緊湊,相信會為觀眾帶來不少笑料,希望大家多多關注。」

李光洙亦表示:「能跟平時尊敬嘅前輩、咁多優秀嘅演員及工作人員一齊拍攝,真係好開心,希望可以將片場愉快嘅正能量傳遞畀眾多觀眾。」

新片中,權相佑背住老婆偷偷賣掉漫畫屋,開設偵探事務所,成東日飾演傳奇刑警,今次比上一部作品有更強烈嘅動作戲。而李光洙就飾演高智商組織門薩(Mensa)俱樂部會員,因不幸事故而經營網絡偵探所,新片預計明年上映。

而喺光洙有新片推出前,網民就化身偵探,搵返光洙學生時嘅舊照,當中光洙除咗髮型唔同外,外表一直無變,網民更留言大讚光洙「依舊年輕」。



(左起)成東日、李光洙及權相佑早前合作拍攝新片《偵探2》


近日有網民公開光洙學生時期嘅舊照


同依家都唔係差好遠