› 選擇地區
三藩市
紐約
洛杉磯
其他美國地區

【李八方online】難忍梁家傑寸爆 蔡若蓮提早走人?

即時要聞 
2017-08-13 16:32:24 HKT

新上場嘅蔡若蓮同梁家傑交換咭片,唔知有冇估到之後被寸爆?何穎賢攝


政制局副局長陳帥夫(右二)都有出席。何穎賢攝


估唔估到蔡副局都有小粉絲....

「紅底」教育局副局長蔡若蓮今日出席第十屆模擬立法會閉幕典禮,參與模擬立法會嘅年輕人,模擬自己係議員、政黨代表,就不同法例草案作出討論,獲現場嘅「正貨」立法會議員、政黨代表激讚。讚賞學生有紋有路嘅公民黨主席梁家傑,仲當住嘉賓之一嘅蔡若蓮話,香港家長著緊教育,「你睇吓呢啲學生,你洗唔到佢哋腦㗎,所以唔好諗喇,直情唔好諗(向學生洗腦),希望你(蔡)日後多啲來模擬立法會。」


袋巾又叫蔡若蓮同港區人大講,呢一代學子可以如此深入淺出講解議會議題,千祈唔好歸咎於什麼反共老師。袋巾一講完,閉幕禮都未頒獎,原本坐咗好耐嘅蔡若蓮即時走人,唔通袋巾講嘢,唔啱蔡副局聽?蔡若蓮解釋因為有下一場活動要出席,所以走先!

新民黨議員容海恩點評學生時,大讚其中一組學生的表達手法相當好,「有時內容反而冇咁緊要,但你要講得動聽、好聽,人哋先會聽。靚女都係啦,靚女都畀人望多幾眼啦,啱唔啱呀?」全場年輕人拍掌和應。唔知大家平時有冇望多容海恩兩眼呢?