› 選擇地區
三藩市
紐約
洛杉磯
其他美國地區

【一地兩檢】巿民自費開檔派傳單 「第一先生」林兆波唔敢接

即時要聞 
2017-08-13 00:01:53 HKT

高鐵一地兩檢民意戰開打,有不屬任何政黨的巿民,因不滿政府拒就此公眾諮詢,不惜自費印製萬多張傳單,再在港、九、新界擺設街站,冀透過親身接觸巿民,集氣促政府擱置方案。現年30歲任職手工藝興趣班導師的袁健恩稱,香港邊界隨便「被遷移」是極嚴重的事,希望喚醒市民重視,更透露曾經在灣仔一天橋遇見特首林鄭月娥丈夫林兆波,當義工向他派傳單時,「佢好閃縮咁匿埋就走咗」。

記者 林俊謙

曾參與社運、但一直沒有加入政黨的袁健恩,不滿特區政府用謊言硬推一地兩檢方案,但見民主派都只集中在網上發聲,「覺得有啲離地」,約一個多星期前決定自費近3,000元,印製展板和萬多張反對一地兩檢單張,在朝九晚六的工作時間外,與網上招攬的義工,到港、九、新界各區擺設街站,親身向巿民解說一地兩檢的嚴重性,促請政府擱置一地兩檢方案,實施「兩地兩檢」,保障港人安全。

訪問當日,袁健恩放工後約七時半趕到中環交易廣場外天橋,與義工們開設攤檔,落手落腳派單張。為何要自發宣傳?袁健恩接受訪問時稱:,「今次我哋(香港)連邊界都畀人遷移,呢個係一個好嚴重、好嚴重嘅問題,但社會上嘅反應好似好細,所以我希望可以引發多啲人去做嘢」。他狠評政府今次連公眾諮詢都不肯做,「即係連個假面具都費事帶,係『夾硬嚟』到一個程度,係唔使理香港人意願」。

連日擺設街站,袁發現不少巿民都不清楚政府一地兩檢方案內容,更有人誤以為「兩地兩檢」是民主派提出,「其實只要網上搜查一下,就知道兩地兩檢嘅可能性,唔係民主派講,係(運房局前局長)鄭汝樺講嘅」,更透露曾經在灣仔天橋遇見林鄭丈夫林兆波,「動漫節嗰一日,佢(林兆波)見到我哋其中一個義工,咁義工嘗試派張單張畀佢,佢都好閃縮咁匿埋就走咗」。

無黨無派的袁健恩感慨,雨傘運動至今,民主派分裂成不同派系,「每做一個行動,就會有人話你做嗰個行動無用,我覺得任何行動都好,最緊要係首先要行動,然後睇效果,然後再去改進嗰啲行動咪好囉!好過大家只喺個網度,鬧呢個行動無用、嗰個行動無用。」他認為群眾行動最重要的始終是「群眾」,「如果集結不到群眾,再響嘅口號都無用」。


(黎樹雄攝)


袁健恩花近3,000元製作宣傳工具,並相約義工在各區擺設街站。(黎樹雄攝)(蘋果日報)


袁健恩認為一地兩檢存有嚴重問題,因此身體力行促請政府擱置方案。(黎樹雄攝)(蘋果日報)

相關新聞