› 選擇地區
三藩市
紐約
洛杉磯
其他美國地區

【李八方online】政商界借身邊小天使 鼓勵讀者走出低谷

即時要聞 
2017-07-17 21:10:45 HKT

張宏艷主持分享會。(朱家駿攝)(蘋果日報)


曾鈺成都有喺書中分享誰是佢嘅天使。(朱家駿攝)(蘋果日報)

資深傳媒人曾智華、張宏艷牽頭出版嘅新書《原來天使在身邊》,集合咗50個橫跨政商界嘅知名人士嘅小故事。新書舉行分享會,編輯張宏艷同八方講,邀稿時曾經收到分享人生光明嘅故事,當時立即打畀供稿作者ban稿,要求提供人生中最核突、最失敗嘅故事,因為點樣面對崎嶇不平嘅人生,先可以鼓勵面對「樽頸位」嘅讀者!

張宏艷話好多人喺人生唔同時候,都遇到樽頸同挫折,而佢同朋友曾智華早前傾偈,發現好多人喺人生最艱難時期會遇上帶佢哋走出谷低嘅「天使」,因此有呢本書誕生。

八方睇過本書目錄,前立法會主席曾鈺成、房委會資助房屋小組主席黃遠輝都係作者。張宏艷話每位作者都會喺書內吐露真人真事,分享點樣跌倒、站起來嘅經歷,以自身經歴鼓勵一眾讀者。