香港
台灣
北美

【李八方online】邊本新書有新世界鄭志剛寫序?  

即時要聞 
2017-07-17 20:54:14 HKT

(左圖)壹出版喺書展前出版《見字如見人》新書。(右圖)阿冼都訪問過白先勇,仲同對方合照留念。(受訪者提供相片)


漫畫家草日為阿冼嘅<我的父親>創作插圖。

書展就快開鑼,唔少新書出爐。專寫人物訪問嘅《蘋果》特約記者冼麗婷亦將26篇喺<品味蘋果>刊登嘅長篇文章結集成書《見字如見人》,每篇附「後話」記載採訪經歷同心情。

阿洗筆下受訪者,唔少都係重量級,遠赴英國搵肥彭、到台灣會蔡英文,亦曾到波斯尼亞採訪戰火下人民,細膩筆觸感動眾人。而新書嘅序亦星光熠熠,有徐立之、林煥光、李怡同新世界發展副主席及總經理鄭志剛等等,其中鄭志剛話透過阿冼嘅眼光同筆觸,加上理性同感性,所有人與事都變得不一樣。曾任中大校長嘅著名學者金耀基更為新書題字兼撰寫推薦語。

結集特別刊登阿冼小六嘅作品〈我的父親〉,佢話細個已經好鍾意作文,小六時將此作品投稿至《香港時報》並獲刊登,「所以我早喺小六時已有稿見報咯,當時仲有少少稿費㗎!」著名漫畫家草日為此作品創作插圖,呈現佢小時候瞓喺爸爸大肚腩上嘅文章情節。阿冼仲喺結集向多名《蘋果》高層致謝,多謝歷年指導兼包容。

相關新聞