› 選擇地區
三藩市
紐約
洛杉磯
其他美國地區

【壹週刊賣盤】呂秉權嘆內地施壓抽廣告封殺:令敢言嘅都變調

即時要聞 
2017-07-17 15:18:45 HKT

右圖夏家朗攝

浸會大學新聞系高級講師呂秉權表示,壹傳媒集團創辦人黎智英幾年前曾表明不會將壹傳媒香港業務賣盤,否則,就是「契弟」,但今次壹週刊賣盤,令人質疑黎智英是否看淡本港傳媒業前景及承擔,「佢〈黎智英〉一向有橋嘅人,同有一定資金撐住,但佢都將壹週刊賣盤,係咪變相講明即點樣有橋同有錢或者宣稱有承擔,都難以救壹週刊?」他形容今次賣盤是宣佈壹週刊死刑,令人灰心。

他亦關注黃浩背景,指黃與黎的立場及政治光譜不同,黎應預計壹週刊會變調,「佢〈黎智英〉應該知道對方〈黃浩〉嘅背景,除咗睇錢份上,你仲要睇壹週刊發展嘅前景同性質會否改變,佢覺得接受到壹週刊未來嘅變調,定係接受到嗰錢足以彌補到壹週刊嘅變調佢都唔理?」

一向以敢言、與建制當權者對抗的壹週刊被黃浩收購及經營,令人關注這本旗幟鮮明的刊物是否可繼續敢言風格,「大家會諗點解佢〈黃浩〉會買壹週刊,買一本與自己理念相反嘅刊物,而唔係買同理念相近嘅週刊?咁動機到最後係壹週刊改變黃浩嘅立場,抑或黃浩改變壹週刊嘅立場,大家會有判斷」。

他坦言,全球傳媒業前景走下坡,香港傳媒業無論在技術上轉型、經濟上的廣告收入,以至政治上言論空間都不斷收窄,「外國傳媒無政治壓力下,轉型已痛苦,香港傳媒加埋政治壓力,更加難以經營」。他指出,業界都不斷搵出路。他承認不少新力軍因傳媒業缺乏新職位,又或對傳媒業前景看淡而卻步,「如果連較敢言嘅傳媒都變調,變為愛國化,令傳媒前景更差」。

呂秉權又指出,近年壹週刊廣告無起色,經營環境好困難,壹週刊賣盤反映內地當權者藉向各行各業施壓抽廣告,全面封殺敵對傳媒,再有大媽圍堵蘋果日報,「有系統咁至於死地,背後嘅勢力係好厲害,目的係令你份嘢冚檔先收手」。他預期愈來愈多紅色資金收購本港傳媒。

相關新聞