› 選擇地區
三藩市
紐約
洛杉磯
其他美國地區

【回歸老家】A高也回家 但唔係回歸英超

即時體育 
2017-07-15 12:40:55 HKT


前英格蘭國腳,效力過阿仙奴同車路士嘅36歲守將艾殊利高爾(A高),上季效力美職聯球隊洛杉磯銀河,或者有機會喺來季返嚟英格蘭。據報英冠球隊伯明翰領隊哈利列納,有意斟介A高。

A高喺2014年離開英格蘭球壇,16年由羅馬轉投銀河,列納認為呢位36歲老將仲有貨賣,希望可以羅致佢返嚟,幫伯明翰喺來季爭升班。不過交易最大問題係A高同銀河仲有1年約,伯明翰方面希望唔使畀轉會費。

另一位前車路士球員泰利喺早前已經加盟咗阿士東維拉,如果A高單轉會最終搞得掂,咁來季英冠嘅伯明翰打吡戰,就有機會睇到呢對前車路士隊友對壘。

相關新聞