› 選擇地區
三藩市
紐約
洛杉磯
其他美國地區

【打拳定做show】拳王格鬥王 口水戰終於玩完

即時體育 
2017-07-15 11:50:16 HKT



8.26拳王美韋達大戰格鬥王麥基格,兩條友一連4日喺唔同地方進行記招,或者可以當係4場talk show,終於都告一段落,周五喺倫敦完成最後一場show。兩個加埋近80歲人,日日你鬧我我鬧你,粗口多個浪花,希望到下個月真正埋牙,觀眾都會有咁多嘢睇。

周五倫敦記招,兩條友又再互相挑釁,麥基格鬧美韋達係「光頭傻佬」,當中梗係加埋粗口助語詞;喺現場有5,000名老家愛爾蘭粉絲嚟支持麥基格,老麥得勢不饒人,寸美韋達得5呎8吋,靠加高鞋踭扮高佬。

著住虎紋衫,戴埋隻價值140萬美金名貴鑽石錶嘅美韋達都不甘示弱向老麥還擊,不過都係F嚟F去,一連4日都係咁上下確係冇新意。佢兩個真係咁大仇口,定係要為下月26日喺拉斯維加斯舉行嘅億元大戰製造更多綽頭,大家心照啦。