› 選擇地區
三藩市
紐約
洛杉磯
其他美國地區

【酒店劏房】旅遊巴勢塞爆海怡 商戶憂加租潮

即時要聞 
2017-05-20 00:10:59 HKT

周女士:「擔心人多咗出出入入,搭港鐵同巴士都會多咗人,怕有唔少人拖喼或自由行出入。」(袁志中攝)(蘋果日報)


周太:「唔希望有間咁大型酒店,擔心影響交通同生活模式,因為多咗人又擠逼咗,亦可能會用咗海怡嘅配套,可能街市都冇埋,但我喺小市民無能為力,好無奈。」(袁志中攝)(蘋果日報)

港燈在海怡申建1,200間房酒店,引起附近居民和商戶憂慮。海怡東商場商戶王女士經營成衣店逾20年,她指自港鐵通車已被加租1至2成,但生意額未有太大增長,新酒店雖然會帶來旅客,但可能有更多名店進駐,引發加租潮。海怡半島居民羅先生批評,1,200個房間酒店好誇張,質疑交通根本無法負荷,「港鐵得果3卡車,點載得哂。」

羅先生亦擔心旅客大增後,商場業主租予名牌店舖,令小店被趕走,物價上漲,最終影響居民生活水平。海怡半島在2014年曾因為名店PRADA進駐和商場裝修爭議,引起居民反彈並舉行「拖篋」遊行,擔心商場變成特賣場(Outlet),只為內地旅客服務。

新民黨海怡西區議員陳家珮指,批評港燈增加房間數目是想「賺到盡」,若按酒店入住率8至9成計算,新酒店隨時有逾2,000住客,勢令對外交通更擠逼。海怡西區議員林啟暉指居民一致反對,擔心交通無法負荷,「你諗吓成2,000幾個住客嚟到,要用幾多旅遊巴?旅遊巴上落、停泊點解決呢?」

相關新聞