香港
台灣
北美

【UGL醜聞】黃國健讚鼎男子漢「好嘢嚟㗎」

即時要聞 
2017-05-19 17:14:00 HKT

【新增短片】
調查梁振英UGL事件專責委員會原定下午4時開會,但因與內會重疊,即使專責委員會主席謝偉俊於下午4時15分到場亦未能開會,民主派委員林卓廷、尹兆堅和楊岳橋、建制派容海恩曾到場報到再返回內會。最後到4時半內會結束,民主派和建制派委員才魚貫出席專責委員會的閉門會議。

建制派委員對周浩鼎辭職有不同反應,但多名委員都稱在周浩鼎召開辭職記者會前,都收到周事先通知。據了解,有建制派委員早前曾與周討論不同解決今次事件的可能性,「一係退出,一係一路excuse自己,喺個委員會但唔嚟開會,但咁樣唔係咁理想」,最終周延至今日終決定退出。

委員之一工聯會黃國健指,周浩鼎今早約10時半曾發短訊給他,對周的決定無意見,「OK啦,我哋都講咗話每個人做的嘢,自己都要承擔後果啦,男子漢出嚟承擔後果,好嘢嚟㗎!」他認為有需要填補周辭任後的出缺,因為委員會人數早就訂好,加上為免有委員臨時有事未能開,導致法定人數不足。

今日的會議繼續以閉門形式舉行,黃日前去信要求討論解散、重選委員會,及民主派委員梁繼昌應避嫌退出委員會的問題。黃國健認為,會議可以公開舉行,但也有委員對此有意見,要視乎主席謝偉俊如何決定。

另一委員容海恩指,周浩鼎今日亦有致電她,交代決定,她尊重周的決定,認為周「都有個交代啦」。容海恩又指,早前曾與周浩鼎討論時,「我地都希望佢自己有啲交代,或者負返個責任既,好似佢自己講,都係希望平息個紛爭」。

經民聯梁美芬亦稱,今早收到周浩鼎電話事先告之決定,她予以尊重。另一建制派委員何君堯則聲稱,周辭職前無事先通知他。


相關新聞