› 選擇地區
三藩市
紐約
洛杉磯
其他美國地區

【李八方online】泰博同阿鼎破冰同枱食飯?仲想隊醉佢

即時要聞 
2017-05-19 15:37:55 HKT

【新增短片】
雖然因UGL事件拗面紅耳熱,但楊岳橋、周浩鼎、謝偉俊,今日都有同場食飯,連熱血公民「泰博」鄭松泰,都有一齊食,究竟所謂所事?原來今日係立法會同區議會正副主席的定期飯局,當中民建聯陳克勤同遲到近半小時先到場的周浩鼎,竟然係四份一機會中,抽中同鄭松泰同枱!

泰博飯局後話,席間有問阿鼎飲唔飲酒,因為內會都將討論阿鼎單嘢,笑稱:「諗住希望佢(阿鼎)飲醉,無乜嘢既,但佢唔飲,無辦法啦」。泰博透露,知道民記飯後即會召開黨團,「(神色)好似有啲凝重)」,但指議會都係建制派獨大,「所以(周浩鼎)都食得落飯既」。

鄭松泰又話,阿鼎份人無乜嘢,「同佢平時啲行為一樣……大家都理解啦」。泰博又話,覺得周浩鼎辭去委員會職位係基本,但成個問題重點係佢犯咗公職人員行為失當,所以呢個先係法律上的問題所在,另一焦點係特首梁振英,「周浩鼎只係顯示出佢一貫嘅……作風啫」。