香港
台灣
北美

【梟雄末路?】自由身冇人吼 馬貝利專心湊孫

即時體育 
2017-05-19 15:30:39 HKT

馬貝利(白衫)分分鐘俾CBA生態搞到退役。

堂堂「馬大少」馬貝利(Stephon Marbury),家陣自由身喺中國職業籃球聯賽(CBA)都搵唔到班落?馬貝利已經40歲但依然有火,上季未能帶領北京殺入季後賽,於是講明來季一定要繼續打,點知遇上北京想佢退役轉做教練,結果雙方決定解約分道揚鑣。

事隔接近一個月,馬貝利落班消息依然只聞樓梯響,包括北控、廣廈等潛在球隊更先後同佢劃清界線。有內地傳媒報道指,曾經打過NBA嘅馬貝利近季傷患漸多,過百萬美元年薪嘅性價比並唔吸引,加上過去作風高調同唔少球隊積落牙齒印,經理人團隊早前同北京「攤牌」嘅做法亦嚇怕潛在買家,分分鐘面臨無奈退役嘅命運,令人不勝唏噓。既然賦閒在家,馬貝利就喺社交網站上載「湊孫」短片,惹來網民大讚孫仔Legend「巧打耳」。

相關新聞