› 選擇地區
三藩市
紐約
洛杉磯
其他美國地區

共享單車第二日 三鐵教練實測指單車性能有危險隱憂

即時要聞 
2017-04-21 18:35:07 HKT

香港首個共享單車計劃昨日起推行,市民透過指定手機應用程式 Gobee.bike 就可以租用單車,收費每半小時5元。用家首先要於手機下載應用程式後,成功登記後,用家需要用信用卡繳付按金399元後,要再於戶口「增值」,金額有50元、100元及150元,作為租單車費用。

本報今日聯同三鐵教練呂劍倫到沙田進行實測,由安裝應用程式至成功租借單車用了20多分鐘。記者用電話掃描車身的QR二維碼時不能順利解鎖,直至掃瞄至第6架單車才成功解鎖。而呂教練掃描第一架時亦失敗,第二架才成功解鎖。

實測單車前,呂教練先檢查部單車,發現單車的煞車功能較差,「其實唔係幾鎖得住個單車,揸實左(煞掣)仲係推得郁嘅部單車。」當呂教練把手放在手柄上時,立即感覺到手柄上的膠套會移動,他指正常膠套是固定的,「其實我輕輕扭幾下,就已經扭咗出嚟,對於可能唔係成日踩單車嘅人,可能佢揸得緊,整吓整吓就好容易發生意外。」

實測過後,呂認為單車流暢度高,「如果係沙田大埔呢啲平路地方,一般嘅假日車手可以勝任嘅。但如果但如果真係要上多啲斜路嘅話,就會有少少困難啦,因為佢冇得轉波。」呂認為安全性10分為滿分,共享計劃提供的單車得分只是4至5分,因單車煞掣系統有待改善,敏感度低,令煞車時間長,有危險性存在,「個煞掣係爭啲嘅,因為我頭先沖一段快少少,做個急煞,其實煞掣嘅時間係比較長,我諗呢樣野係要注意,尤其係星期六日多人踩嘅時候。」呂教練指租借單車時要檢查清楚單車,「單車經歷風吹雨打,會損耗得好快,要check 清楚煞掣系統係唔係足夠應付到需要。其次要睇清楚轉向流唔流暢。」

另外,呂教練發現共享計劃單車的車籃是安裝在車身上,當用戶要轉動手把轉變單車方向時,車籃沒有一同轉,「郁過轉向嘅時候,其實個籃係冇郁到,係會令我有錯覺,究竟自己轉嘅幅度夠唔夠、多唔多,係踩嘅時候唔係咁順暢,唔係咁舒服,呢個會影響安全問題。」他認為要用信用卡繳費會令計劃難於普及,未必人人都有信用卡。

在記者實測過程中,有市民本想租借單車,最後因沒有信用卡而未能成功租車。家住沙田第一城的黃女士今早相約朋友踩單車,原本打算試租單車,「我喺Facebook見到好有興趣試吓,我哋頭先搞咗好耐擾攘左成半個鐘都係唔得,因為冇信用卡。」黃女士認為要綁定信用卡很複雜,認為使用八達通最方便,「頭先又要download app又要信用卡,攪咗半個鐘我都死咗心。」記者邀請黃女士試踩單車,她試踩單車後,覺得單車踩快點便出現不穩定情況,「租嘅單車雖然睇落去笨重,但踩起身會穩啲,但呢架就會飄啲。」認為新手未必能控制好單車。

另一用戶朱太踩了半小時便折返,選擇去傳統單車店租單車,她指單車太高,「我去租一個矮一點的,我太矮了,單車太高了。」


朱家駿攝

相關新聞