› 選擇地區
三藩市
紐約
洛杉磯
其他美國地區

【李八方online】邊四粒字 民建聯張國鈞堅持唔肯講?

即時要聞 
2017-04-21 15:29:35 HKT

張國鈞話「公民廣場」只係政治符號,堅持嗰度應該稱為「政府東翼前地」。蘋果日報

政府總部前面嘅東翼空地,因為佔領運動而喺2014年被圍封至今,但呢個坊間稱為「公民廣場」嘅地標,隨住候任特首林鄭月娥上場而有機會重見天日,事關林鄭3月初接受《蘋果》訪問時表明考慮重開,事實上呢個議題都獲泛民同建制黨派支持,但建制對「公民廣場」呢四粒字卻好忌諱喎。

民建聯張國鈞今日喺商台節目強調,若符合「保安標準」,可考慮重開政府東翼前地,其後又質疑節目中播出介紹「公民廣場」嘅錄音中,根本無講過地方嘅名稱,繼而指東翼前地本身唔係「廣場」,而係「車輛進出通道」同「往立法會人士及訪客經過通道」。

堅持唔講呢四粒字,係咪因為敏感?張國鈞話作為律師要準確講地名喎,又話呢塊東翼前地被佔領後先被俗稱「公民廣場」,對某啲人嚟講係一個政治符號喎!