香港
台灣
北美

【八方剝花生】田少嘅辦公室地下 點解有兩份報紙㗎呢? 

即時要聞 
2017-03-20 15:37:57 HKT

一向愛抽水嘅田少,展示令佢Worksmart嘅辦公枱,而重點係地下嘅報紙。田少Facebook圖片

3.26特首投票日前最後一場齊集三位候選人嘅辯論噚晚上演,林鄭突然出招暗寸薯片叔HEA住做,話每次入親對方辦公室都好羡慕,「佢枱頭無File、無紙張」,自己就好忙,有唔少文件要處理。

唔少市民聽完林鄭咁講,紛紛自拍工作枱頭相片證明冇快勞或冇紙,唔等於好得閒,好似國家主席習近平嘅辦公室,枱面夠好企理冇乜文件咯,唔通佢又係HEA住做?

林鄭今次抽擊唔成卻捉蟲,反成為各界抽水議題,好似薯片叔頭號支持者自由黨榮譽主席田北俊咁,喺Facebook上載咗坐喺工作枱嘅相片,留言「所以我咪無選特首囉。」

點解田少要咁講?睇下佢啲hashtag就知嘞,包括「自己知自己事」、「不是林鄭羨慕的那張枱」、「玩到無野玩要玩枱」、「我又WorkHard又WorkSmart」。

有心水清人士推介,睇呢張相一定要睇埋地下,睇到嘛,地下放咗《蘋果日報》同《成報》,係咪好有意思呢。田少呢種高深玩法,一般人唔係咁易跟到㗎!

相關新聞