› 選擇地區
三藩市
紐約
洛杉磯
其他美國地區

【八方剝花生】林鄭2.0打孖上?官場姊妹花登場

即時要聞 
2017-03-20 12:59:19 HKT

【新增動新聞】

今朝八方一起身,已經好醒神,皆因收到N張「林鄭2.0」嘅相,相中人同林鄭嘅髮型、面型同造型都好相似,之咪就係原香港郵政署長丁葉燕薇。

政府今日宣佈由佢出任候任行政長官辦公室秘書長,附上嘅丁太官方相,真係同林鄭似足失散姐妹;而由盛傳係林鄭愛將嘅丁太出掌候任辦呢個安排呢,官場中人大讚既窩心同體貼,至少丁太同稍後極有可能出現嘅香港女特首,唔會火星撞地球。

而查實除咗丁太,有心人都發現,尚有一位女高官嘅造型都可以算係「林鄭2.0」,就係人稱「騰雞美華」嘅前民政事務總署署長陳甘美華嘞,連白鴿黨副主席羅健熙都覺得激似,特別喺Facebook將三人玉照放埋一齊,等大家齊齊睇真啲,封埋佢哋為「官場三姊妹」(佢特別表明【非恥笑】㗎!)。

八方上網用啲程式測試下,唔係講笑,個程式都話好似,甚至話相似度達100%!但可惜吖,騰雞美華已退休,要三位林鄭同台亮相,唔知仲有乜機會?


分得出邊個係「真‧林鄭」嘛?(左至右:陳甘美華、林鄭月娥、丁葉燕薇) 政府網站截圖(互聯網)


TwinsOrNot.net截圖(互聯網)


TwinsOrNot.net截圖(互聯網)

相關新聞