香港
台灣
北美

薯 仔 炆 雞 翼 - 蘇施黃

周刊Follow 蘇 

阿 So 語 錄
想 煮 一 個 好 食 的 薯 仔 炆 雞 翼 , 就 要 請 教 外 國 留 學 生 了 。

任 何 人 如 果 去 外 國 讀 書 , 而 又 未 煮 過 薯 仔 炆 雞 翼 , 等 如 未 去 過 外 國 讀 書 !

有 幾 件 事 是 出 外 讀 書 必 做 的 : ( 一 ) 窮 到 燶 的 時 候 , 將 全 屋 的 散 銀 都 搵 出 來 , 每 件 衫 的 口 袋 也 去 找 找 , 每 個 有 機 會 盛 載 散 銀 的 罌 罐 都 翻 過 來 。 ( 二 ) 平 常 在 便 利 店 買 下 很 多 樽 裝 飲 品 要 回 樽 的 , 可 是 每 人 都 是 懶 精 , 有 時 樽 多 到 可 以 開 個 保 齡 球 場 。 但 一 到 大 家 又 是 窮 到 燶 的 時 候 。 哈 ! 哈 ! 大 家 就 好 積 極 地 拿 樽 返 便 利 店 拿 回 按 金 。 ( 三 ) 洗 衫 。 在 香 港 , 大 家 過 着 有 工 人 服 侍 、 舒 舒 服 服 的 生 活 , 洗 衫 ? 一 世 都 未 洗 過 。 嘩 ! 今 日 講 出 來 , 阿 媽 都 鬧 , 每 次 洗 衫 都 一 定 是 留 到 十 袋 八 袋 一 齊 一 次 洗 , 哈 ! 每 次 洗 衫 都 要 大 半 日 。 每 人 牛 仔 褲 都 一 定 有 十 條 以 上 , 如 果 不 是 哪 夠 替 換 呢 ? ( 四 ) 廚 房 洗 碗 盤 內 的 碗 碟 一 定 是 山 般 高 , 而 碗 櫃 卻 是 空 空 如 也 的 , 如 有 需 要 就 要 像 抽 籤 的 在 山 中 抽 出 一 隻 , 只 洗 這 一 隻 來 用 。 我 的 姐 姐 們 常 說 我 不 是 人 ! ( 五 ) 一 定 有 自 己 煮 過 薯 仔 炆 雞 翼 。 全 世 界 最 便 宜 , 又 能 食 得 最 飽 的 一 個 餸 。 一 定 煲 過 的 湯 是 羅 宋 湯 。
想 煮 一 個 好 食 的 薯 仔 炆 雞 翼 , 就 要 請 教 外 國 留 學 生 了 。 我 們 一 味 薯 仔 炆 雞 翼 可 以 供 十 個 人 食 , 電 飯 煲 也 要 出 動 兩 個 。 我 本 來 食 飯 很 慢 的 , 就 是 在 加 拿 大 那 幾 年 餐 餐 跟 那 些 男 孩 子 食 飯 , 食 得 慢 一 點 連 餸 汁 也 沒 有 。 其 實 我 覺 得 留 學 真 正 學 到 的 是 責 任 感 和 分 析 力 和 最 重 要 的 人 際 關 係 ! 不 知 你 學 到 甚 麼 ?

材 料

薯 仔 、 洋 葱 、 雞 中 翼


烹 調 步 驟

1. 薯 仔 用 滾 刀 切 一 嚿 嚿 後 備 用 ; 洋 葱 像 切 橙 的 切 六 至 八 角 備 用 。
2. 先 爆 洋 葱 , 加 少 許 糖 、 老 抽 。
3. 炸 薯 仔 至 少 許 金 黃 色 。
4. 雞 中 翼 先 用 油 爆 香 , 加 入 醃 雞 翼 的 汁 ( 生 抽 、 老 抽 , 糖 、 生 粉 、 麻 油 ) 。
5. 放 入 薯 仔 、 洋 葱 , 加 水 調 味 ( 如 有 必 要 加 點 生 抽 、 老 抽 、 麻 油 ) 炆 半 小 時 至 四 十 五 分 鐘 便 可 。


1.


3.


4.


5.

唔 明 問 阿 蘇

學 煮 飯 最 緊 要 有 交 流 , 唔 明 就 要 問 ! 歡 迎 你 將 煮 飯 難 題 公 之 於 世 , 阿 蘇 會 為 你 一 一 解 答 。
可 傳 真 至 2623 9302 或 電 郵 至 etcat@nextmedia.com , 並 留 下 姓 名 及 聯 絡 電 話 號 碼 。

蘇 施 黃 PROFILE

資 深 電 台 人 , 自 細 被 廚 藝 高 超 的 家 廚 寵 壞 舌 頭 , 身 邊 永 遠 有 一 大 群 識 飲 識 食 親 朋 戚 友 , 自 小 已 知 道 何 謂 真 正 味 道 。
讀 大 學 開 始 學 煮 餸 , 由 好 鬼 難 食 到 現 在 好 鬼 好 食 , 親 身 體 驗 「 先 要 愛 食 , 才 可 煮 到 好 嘢 食 」 。


更多 飲食男女 文章