香港
台灣
北美

【獨家有片】陳宛蔚佗女5個月 錢國偉行花墟摸老婆肚

娛樂要聞 

錢國偉(Wilson)同陳宛蔚結婚兩年,婚後被投訴顧住開工未渡蜜月,不過造人就搶先成功,早前Wilson仲同佗住5個月B女嘅老婆行花墟,全程拖實又不時伸手摸肚,父愛爆棚。

10月5日黃昏,錢國偉揸車載大肚老婆陳宛蔚行太子花墟,雖然佗住5個月肚、著晒鬆身大碼衫,但行起路上嚟依然靈活,只係行路姿勢開始有啲啞啞咋咋啫。至於就嚟做老豆嘅Wilson就緊張少少,拖實之餘更一度換位,從後攬住老婆,邊行邊摸大肚。
據了解,陳宛蔚為咗造人成功,婚後一直睇中醫調理,又戒凍飲同生冷食物,加上呢兩年喺老公公司幫手,退居幕後唔使再日夜顛倒,人都變得精力十足。難怪早前Wilson開拍《王牌霸王花》,陳宛蔚去幫手,啲人都話睇唔出佢有咗啦。





更多 壹週Plus 文章